Marjan Gryka: Rama të çojë 
Berishën në burg për Hajdarin

TIRANE- Kryetari i shoqatës “Azem Hajdari”, njëherësh ish-truproja e Liderit të Dhjetorit, Marjan Gryka, në një intervistë për gazetën “Shqiptarja.com” është shprehur se kryeministri Edi Rama duhet të mbajë premtimin që ka bërë dhe të dërgojë para drejtësisë Sali Berishës për vrasjen e liderit të dhjetorit, por dhe 21 janarin e vrasjen e deputetit Fatmir Xhindi. Njëherësh ai është shprehur se i dënuari me burgim të përjetshëm për këtë vrasje, Jaho Mulosmani nuk flet të vërteta në deklarimet mediatike, madje nuk tregon as që ka pasur lidhje me SHIK-un, vetëm tek i cili besonte kur u dorëzua për t’u dënuar më pas. Teksa deklaron se Berishën dhe Hajdarin i kishte shoqëruar ai në Tropojë, Gryka nënvizon se politika e të dyja krahëve e vrau liderin e dhjetorit. Ndërkohë që thotë se Ilir Meta e ka në dorë të kërkojë nga Kuvendi inicimin ligjor të zbardhjes së kësaj vrasjeje të shekullit.