Kreu i Partisë Republikane, Fatmir Mediu e konsideroi marrëveshjen e 17 majit 2017 mes Ramës dhe Bashës deri në kriminale. Në studion e lajmeve në Report TV me gazetarin, Mediu u shpreh se përgjegjësia e Bashës është që i besoi kundërshtarit.
Mediu u shpreh se në 2017 shumë personalitetet të Partisë Demokratike u zëvendësuan me persona pa integritet.
"Në 2017 u bë një marrëveshje që u konsiderua nga përmbajtja e bukur dhe e këndshme, por nga mënyra e implementimit shumë e trishtueshme dhe do të thoja kriminale. Kjo nuk është përgjegjësi e zotit Basha. Përgjegjësia e zotit Basha shkon deri në pikën për të besuar kundërshtarin politik. Nuk është ndonjë mëkat kaq i madh. Mënyra si veproi kundërshtari ishte kundër interesave të Shqipërisë. Mendoj se ka nevojë për reflektim. Jo çdo individ që rri afër mund të jetë pjesë e kuvendit pa konkurruar. Në këtë pikëpamje PD ka shumë personalitet që ngelën jashtë në 2017 dhe u zëvendësuan nga persona që nuk kanë treguar as formim as integritet. Kjo është përgjegjësi e të gjithëve", deklaroi Mediu.
Listat e hapura ka qenë një çështje që partitë e vogla kanë insistuar, madje Mediu thotë se këtë ia ka kërkuar edhe drejtpërdrejt Bashës, por i ka thënë se ndryshimin e sistemit nuk e pranon kryeministri Rama.
"E kam ngritur këtë çështje në emër të PR, e kam folur edhe me zotin Basha. Nuk është se Basha ka qenë kundër, por ka argumentuar se Rama nuk pranon të ketë lista të hapura. Nuk shkon tek ideja e ndryshimeve kushtetuese dhe për të shmangur këtë handikap u la që të diskutohej në momente të fundit. Por duket që nuk ka diskutime për lista të hapura, por as për ndërtimin e koalicioneve brenda koalicionit që propozoi PR me disa parti të tjera. Pra ka një diskutim që të ngelet miratimi i reformës në kuadër teknik që ka të bëjë me identifikimin biometrik, një zv/komisioner që emërohet nga opozita, riorganizimi i KQZ i kontrolluar nga palët, ka të bëjë me mënyrën e funksionit të komisioneve vendore deri pas zgjedhjeve të ardhshme parlamentare, financimi i partive politike. Unë mendoj që problemet zgjedhore nuk kanë ardhur nga ligji, por nga vullneti politik", u shpreh kreu i Partisë Republikane.
Kryetari i Partisë Republikane, Fatmir Mediu bëri të ditur se nëse në zgjedhjet e ardhshme të vitit 2021 do të humbasin, ai do të largohet nga drejtimi i kësaj force politike.
"Unë do t'i kërkoj largimin vetes time, jo zotit Basha. Pastaj se çfarë bën zoti Basha është çështja e zotit Basha. Unë do mbaj qëndrim në raport me veten time dhe Partinë Republikane, pastaj se çfarë bën PD është çështje e PD", tha Fatmir Mediu për gazetarin.
Komente
Lajme të tjera
-
Namir Lapardhaja: Unë jam Zoti juaj më i lartë!
19 Dhjetor, 09:16
-
Samiti/ Rama: Një ditë afrimi i mëtejshëm me Europën, u mbështet fuqimisht plani ynë me KE për mbylljen e negociatave në fund të vitit 2027 (FOTOT)
19 Dhjetor, 09:00 -
Samiti BE-Ballkani Perëndimor, Costa: Duhet të krijojmë kushtet për zgjerim, por integrimi në bazë të meritës! Von der Leyen: 300 mln euro për reformat
18 Dhjetor, 20:25 -
Dita Ndërkombëtare e Emigrantëve/ Basha: Të lëmë pas korrupsionin dhe keqqeverisjen, në 11 maj bëhuni pjesë e ndryshimit
18 Dhjetor, 16:22 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Shtyhet seanca për masakrën e Gërdecit, revoltohet Mediu: Ç'punë kam unë me kalibrat e municioneve që më hetojnë, isha ministër
18 Dhjetor, 10:20 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
Cfare eshte kriminale eshte qe ti nuk je perballur akoma me drejtesine dhe je akoma ne politike
Përgjigju