POP 5

Lajmet më të lexuara të 5 minutave të fundit

Politikë

Marrëveshja me Italinë, bashkia e Memaliajt ofrohet të strehojë emigrantët! Zbardhet letra për Ramën, kryebashkiaku për Report TV: Në dispozicion dy godina

Bashkia Memaliaj i ka nisur kryeministrit Rama një letër ku shpreh gatishmërinë për të strehuar emigrantë pas marrëveshjes me Italinë. Albert Malaj, i zgjedhur nga koalicioni “Bashkë Fitojmë” konfirmoi për Report Tv se janë gati 2 lokacione në godina që nuk përdoren më për funksione publike

Bashkia e Memaliajt ka shprehur gatishmërinë për të strehuar emigrantët që pritet të vijnë në vendin tonë nga marrëveshja me Italinë.

Kryebashkiaku i Memaliajt Albert Malaj, i zgjedhur nga koalicioni “Bashkë Fitojmë” i ka dërguar një letër-propozim kryeministrit Edi Rama për strehimin e refugjatëve në territorin e bashkisë që ai drejton.

Në një reagim për Report TV, Malaj bën me dije se në letër i ka ofruar kryeministrit dy lokacione që të jenë të përshtatshme për strehimin e refugjatëve. Lokacioni i parë është ndërtesa dy katëshe e ish-shkollës 8 vjeçare të Memaliajt e cila sot e kësaj ditë është e papërdorshme, ndërsa lokacioni i dytë është ish spitali i Memaliajt, një godinë tre katëshe. 

Sipas Malajt, tek të dyja ndërtesat që ndodhen në brendësi të qytetit, duhet fillimisht të investohet që të jenë të përshtatshme për t’u akomoduar refugjatët, e ndërsa  nënvizon se bashkia nuk ka kapacitet financiar për ta bërë një gjë të tillë. Malaj ka kërkuar vlerësimin e kushteve akomoduese dhe investuese nga qeveria.

Kapaciteti total akomodues vlerësohet të jetë për 1000 persona. Kryebashkiaku i Memaliajt shprehet se këtë iniciativë dhe vetë-ofrim për strehimin e refugjatëve, e ndërmori bazuar në eksperiencën e tij personale pasi si ish ushtarak që ka shërbyer në FA të Shqipërisë në misionet jashtë vendit si në Afganistan apo dhe zona të konflikte, ka përballuar dhe menaxhuar flukse të tilla refugjatësh. Ndërkaq Memaliaj, siç thotë ai ka eksperiencën e saj pritëse dhe akomoduese që prej vitit 1999 kur ka pritur me mijëra kosovarë në kohën e luftës.

Më herët edhe Kryetari i Bashkisë së Fushë-Arrëzit, Hil Curri i ka shpreh gatishmërinë që të presë në bashkinë që drejton refugjatët që pritet të mbërrijnë në vendin tonë pas marrëveshjes të nënshkruar me Italinë.

Letra e kryebashkiakut të Memaliajt  për Edi Ramën
Letra e kryebashkiakut të Memaliajt  për Edi Ramën

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 05/12/2023 04:32

    Po Memaliaj nuk na paska nevoje per spital e shkolle qe kerkoke t'u ndryshosh destinacion?! Perpara se te mendosh per emigrantet,a nuk do te ishte me mire te mendoje me pare per te strehuar ne ato godina varfanjaket e nevojtaret e zones?! Mos me thuaj qe Memaliaj lundroka ne bollek aq shume,sa tani po mendon te zgjidhe hallet e Afrikes e Azise?!

    Përgjigju
  • jani: 05/12/2023 03:42

    a te hengert mortja...o idiot..do me na pru jevgjit o qen ne shqipeeri.

    Përgjigju
  • Miniera: 05/12/2023 01:00

    Vetem po hape ndonje miniere apo fabrike BMW se nuk ke cfare bejne atje nuk ka lek as ne memaliaj pra duhet nje fabrike ne zone nga gjermania audi ose Opel ose BMW qe te kete zhvillim memaliaj , ma vjen keq per emigrantet por nese nuk hapen fabrika uzina vetem tju mesojm te pakten shqip se kot do rrine atje ata te gjoret , duhet tju mesojm shqip falas dhe te hapen minierat pa miniera do merziten duke ndenjur kot ! Gjithsesi besoj deri vitin tjeter kalon goxha kohe kushedi cbehet si politike evropiane

    Përgjigju
  • Ardi: 04/12/2023 20:29

    Ky mendon se po vajten afrikanet ne memaliaj ky si kryetar me celsat e kashtes ne dore do administroj fondet e qeverise italiane qe ti vjedhi te gjitha per vete,o kok tope ti je bishti lopates ,lopaten e kane ata ne Tirane per te vjedhur dhe jo ti o koqe kandari.

    Përgjigju
    • Or tej: 04/12/2023 23:56

      Do vjedhe edhe ai dromcat e veta or teeeejjjjj

  • destan: 04/12/2023 19:22

    Ky kok lopa le tja kerkoi atyre qe e votuan dhe e propozuan,injorante te ndyre.

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00