BEOGRAD- Ditën e diel, fituesi i zgjedhjeve parlamentare në Serbi, Aleksandër Vuçiç do të komunikojë postet ministrore të kabinetit të tij që do të qeverisi në katër vitet e ardhshme. Mediat serbe bëjnë të ditur se në kabinetin qeveritar do të jenë edhe emra jashtëpartiakë, ndërsa ajo që vihet re është se nuk ka ansjë femër në postet ministrore.

Mes emrave të ministrave është edhe ish-kryeministri serb, Ivica Daçiç i cili do të marrë postin e ministrit të Jashtëm, kjo pas arritjes së Marrëveshjes së 19 Prillit 2013 në Bruksl me kryeministrin e Kosovës Hashim Thaçi.

“Blic” publikon këta emra që pritet të përbëjnë qeverinë serbe: Kryeministër: Aleksandër Vuçië , kryetar i SNS- që fitoi zgjedhjet parlamentare. - 
Ministër i Jashtëm :Ivica Daçiç (kryeministër i dhe ministër i deritashëm i Punëve të Brendshme) për të cilin thuhet se nuk ka ndonjë meritë në polici por të cilit i përmenden meritat në arritjen e Marrëveshjes së Brukselit nënshkruar me Hashim Thaçin më 19 prill 2013.

Ministër i Arsimit dhe i Shkencës, Sërgjan Vërbiç (jashtëpartiak) i Finanancave Lazar Këstiç (jashtëpariak), ministër i Drejtësisë Nikola Selakoviç (SNS, ministër i deritashëm në këtë post), ministër i Punëve të Brendshme, Nebojsha Stefanoviç (SNS, ish –kryetar i Kuvendit serb), ministër i Mbrojtjes Nebojsha Rodiç (SNS, ishministër në këtë resor), ministër i Kulturës dhe i informimit Ivan Tasovac (jashtëpartiak), ministër i Tregtisë, i telekomunikacionit dhe i turizmit Rasim Lajiç (SDPS, ish - ministër në këtë resor), ministër i Rinisë dhe i Sportit Vanja Udoviçiç (SNS), ministër i Bujqësisë dhe i Ambientit Zhivanko Radovançev (SPS), ministër i Ndërtimit, komunikacionit dhe infrastrukturës Aleksandar Antiç (SPS), ministër i Shëndetësisë Zlatibor Lonçar (SNS), ministër i Ekonomisë Dushan Vujoviç (jashtëpartiak), ministër i Administratës Shtetërore dhe qeverisjes lokale Kori Udovçki (jashtëpartiak).
 
 Ende i pakonfirmuar është posti që do të mbaj Alekdansër Vulnin, i cili në qeverinë e kaluar "Daçiç" ishte i ngarkuar për çështjen e Kosovës.

Marrë nga "KosovaPress"

Redaksia online
(esh/shqiptarja.com)