POP 5

Lajmet më të lexuara të 5 minutave të fundit

Politikë

Masakra me 3 gra të vrara/ Komisioni i Ligjeve 'llogari' ILD, KLGJ dhe policisë për Dan Hutrën

Pas masakrës me pasojë vrasjen e 3 grave dhe plagosjen e tre të tjerave pak ditë më parë në Paskuqan, Astir e Kamëz, kuvendi i Shqipërisë u ka kërkuar informacion disa institucioneve.

Masakra me 3 gra të vrara/ Komisioni i Ligjeve 'llogari' ILD, KLGJ dhe policisë për Dan Hutrën

Kryesia e Kuvendit

TIRANË- Pas masakrës me pasojë vrasjen e 3 grave dhe plagosjen e tre të tjerave pak ditë më parë në Paskuqan, Astir e Kamëz, kuvendi i Shqipërisë u ka kërkuar informacion disa institucioneve.

Më konketisht ishte komisioni i ligjeve ai që iu drejtuar me një shkresë Inspektoriatit të Lartë të Drejtësisë, duke i kërkuar informacion për masat e e marra ndaj magjistratëve që kanë shqyrtuar çështjet ndaj autorit të krimeve, Dan Hutra.

Një kërkesë e tillë i është dërguar edhe Këshillit të Lartë Gjyqësor, Ministrisë së Brendshme, asaj të Drejtësisë, Drejtorisë së Përgjithshme të Policisë së Shtetit si dhe Burgjeve.

Nga ana tjetër, Bashkisë Tiranë dhe asaj të Kamzës i kërkohet informacion nëse ka referim në mekanizmat e koordinuar te referimit të rasteve të dhunës në familje për autorin dhe masat e marra.

 “Mbi ngjarjet tronditëse të vrasjes dhe plagosjes së grave. Komisioni i Ligjeve i Kuvendit kërkon informacion nga institucionet publike

Pas ngjarjeve tragjike të vrasjes së tre grave dhe plagosjes së tre të tjerave, në fillim të muajit Mars, Kryetarja e Komisionit për Çështjet Ligjore, Administratën Publike dhe të Drejtat e Njeriut e Kuvendit, znj. Klotilda Bushka, në funksion të ushtrimit të kompetencës monitoruese të Komisionit për zbatimin e legjislacionit dhe garantimin e respektimit të të drejtave të njeriut, u është drejtuar disa institucioneve publike, duke iu kërkuar informacionet përkatëse me qëllim verifikimin paraprak të situatës.

Kryetarja e Komisionit të Ligjeve, znj. Bushka, i ka kërkuar Inspektorit të Lartë të Drejtësisë, informacion mbi masat e marra për verifikimin e përgjegjësive të mundshme disiplinore të magjistratëve në prokurori e gjykata, ku janë shqyrtuar çështje ndaj autorit të krimeve. Nga Ministria e Brendshme, Ministria e Drejtësisë, Drejtoria e Përgjithshme e Policisë së Shtetit dhe Drejtoria e Përgjithshme e Burgjeve është kërkuar informacion mbi zbatimin e ligjit nr. 62/2022 “Për Regjistrin Kombëtar të të Dënuarve për Krime Seksuale”.

Këshillit të Lartë Gjyqësor dhe Ministrisē së Drejtësisē i kërkohet informacion mbi zbatimin e detyrimeve për krijimin e bazës së të dhënave mbi vendimet gjyqësore për raste të dhunës në familje dhe asaj me bazë gjinore, sipas përcaktimeve të Ligjit nr. 9669/2018 "Për masat ndaj dhunës në marrëdhëniet familjare", të ndryshuar. Bashkisë Tiranë e Bashkisë Kamëz i kërkohet informacion nëse ka referim në mekanizmat e koordinuar te referimit të rasteve të dhunës në familje sipas detyrimeve ligjore per autorin e krimeve në fjalë dhe masat e marra, nëse ka”, thuhet në vendim.

Dan Hutra është autor i vrasjes së 3 grave dhe i plagosjes së 3 të tjerave, e ndërsa ndonëse një njeri me një karrierë të gjatë kriminale, ai endej i lirë. 

(Kliko këtu për të lexuar dokumentin e plotë)

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça