Masakra te Zogu i I-rë, Markeljani:
Unë e qëllova  vrasësin e xhaxhait

TIRANE - “E vrava sepse më vrau xhaxhain”. Kështu është shprehur njëri prej dy nipërve të Mentor Doçit i cili mbeti i vrarë nga përplasja me armë, përballë maternitetit “Mbretëresha Geraldinë”. Po ashtu, sipas burimeve të policisë, bëhet me dije se dy nipërit e Mentor Doçit, Markeljan dhe Klevis Doçi, në deklaratën e tyre kanë pranuar krimin e kryer. Ndërkohë, po të njëjtat burime thanë për “Shqiptarja.com” se Markeljani ka thënë në deklaratë se ai vetë e ka vrarë Besnik Sulkun, pasi në sytë e tij ky i fundit i vrau xhaxhain.

Ndërsa, më tej ka thënë se vëllai i tij Klevis Doçi, i cili në momentin e ngjarjes ndodhej me të, në të njëjtën makinë, nuk u përfshi në ngjarje, pasi krimin e kreu ai vetë. Ndërsa Klevis Doçi ka deklaruar se: “Kemi pasur konflikte vetëm Besnikun, sepse e dinim se ai ishte pas atentatit që u bë ndaj xhaxhait tek Komuna e Parisit”.

Redaksia Online
(Gre.M/Shqiptarja.com)