POP 5

Lajmet më të lexuara të 5 minutave të fundit

Kronikë

Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat

82% e qytetarëve që kanë marrë pjesë në sondazhin e Shqiptarja.com mendojnë se Tik Tok dhe Snapchat duhet të mbyllen. Nga ana tjetër, pas apelit të kryeministrit, bashkitë kanë nisur të marrin masa. Në Fier po blihen kamera inteligjente për kopshtet, shkollat 9 vjeçare dhe ato të mesme.                             

Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat

Foto ilustruese

Pas vrasjes së 14 vjecarit Martin Cani nga një tjetër nxënës i së njëjtës shkollë, nxori kryeministrin përpara medias, për të shpallur dy masa: kufizim i rrjeteve sociale, dhe rritje të sigurisë në ambientet e arsimit.

Shqiptarja.com hapi një sondazh mesditën e 20 nëntorit dhe prej atëherë janë mbi 5600 vota. Më shumë se 82 % e votuesve janë pro mbylljes së Tik Tok e SnapChat, ndërsa gati 15% janë për vendosjen e filtrave të ndalimit të përdorimit deri në një moshë të caktuar nga adoleshentët. Qytetarët po ashtu mbështesin mbylljen e rrjeteve sociale.

Për masën e dytë të paralajmëruar nga qeveria, atë të rritjes së sigurisë në Shkolla deri me kamera inteligjente në klasa, ka vepruar e para Bashkia Fier.

Ajo ka çelur një tender për blerjen e kamerave inteligjente për një numër të madh kopshtesh dhe shkollash në këtë bashki.

Siç thuhet në publikimin e bërë në Agjencinë e Prokurimit Publik, këto kamera do të përdoren në shkollat 9-vjeçare “Jani Bakalli”, “Andon Xoxa” e “Mark Dashi” dhe në ato të mesme “Perikli Ikonomi” dhe “Jakov Xoxa”.

Kopshtet që do të pajisjen me kamera janë në lagjet “Liri Gero”, “Kastriot”, “Liri”, “8 shkurti”, si dhe në njësitë Sheq dhe Portëz. Bashkia e Fierit argumenton se ky investim i është i domosdoshëm për të garantuar ambientet të sigurta e të mbrojtura për fëmijët/ nxënësit e mësuesit e sistemit arsimor parashkollor dhe parauniversitar.

Sipas këtij institucioni, nuk ka pasur asnjëherë investim total në këtë drejtim, por vetëm disa pjesë të këtyre institucioneve monitoroheshin me kamera. Ambicia e shprehur e qeverisë është që brenda vitit 2025 të gjitha institucionet arsimore publike të pajisen me kamera inteligjente.

K.T./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 22/11/2024 20:00

    Do e mbyllin Tik-Tokun e përsëri do ndodhin tragjedi. Sepse sipas kryeministrit, Tik-toku i bëri shqiptarët agresiv. Ku kishte vrasje para Tik-tokut. Nëse ne s'kemi mbyll kanunin e Lek Dukagjinit akoma, madje mburremi me të sikur donte me ul vrasjet e ven drejtësi. Në fund fajin e ka shteti që nuk bëri një herë shtet normal.

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

Po mahnit Anglinë, Rocco Vata ndiqet nga Man. United! Drejtoria teknike në FSHF është 'në gjumë'

23 Janar, 15:32