Mashtronte qytetarët se do u siguronte viza e punësime jashtë Shqipërisë, arrestohet 31-vjecarja në Tiranë

Një 30 vjeçare ka rënë në prangat e policisë së Tiranës pas urdhrit të lëshuar nga prokuroria.

Verjana Gega mashtronte qytetarë të ndryshëm duke u marrë shuma të mëdha parash në këmbim të sigurimit të vizave apo punësimeve jashtë vendit.

Ndaj 30-vjeçares ishin depozituar të paktën 40 kallëzime nga persona të ndryshëm, mes të cilëve edhe familjarë të së resë.

Qytetarët e mashtruar janë kryesisht mes Tiranës dhe Elbasanit. Rasti i fundit kur ajo është denoncuar për mashtrim është bërë nga një shtetas kosovar i cili i kishte dhënë asaj shumën prej 16 mijë eurosh për ta pajisur me pasaportë shqiptare.

E.K/S.C/Shqiptarja.com

TAG:
• Tirane
• policia e tiranes
• Verjana Gega