Mashurka të freskëta me salcë të bardhë nga zonja Albana

Mashurka të freskëta me salcë të bardhë

Përbërësit:

• 1 kg mashurka
• 3 ls gjalpë
• 1 ls miell
• 1 koncentrat
• 2 të verdha veze
• 1 ls majdanoz të grirë hollë
• 1 kokërr limon
• Kripë, piper

Përgatitja:

Pastrojmë mashurkat, i presim në dysh për së gjati, i ziejmë në ujë të vluar me kripë dhe i kullojmë. Në një tenxhere shkrijmë gjalpin, hedhim miellin të skuqet lehtë, majdanozin dhe e trazojmë sa të vyshket. Shtojmë 2 gota ujë të nxehtë ku kemi shkrirë koncentratin, i trazojmë sa të marrin valë, shtojmë edhe mashurkat të marrin së bashku një valë. Rrahim të verdhat e vezëve me lëngun e limonit, shtojmë pak lëng të mashurkave duke e trazuar. I heqim mashurkat nga zjarri, shtojmë pak nga pak vezën e rrahur duke tundur tenxheren që të mos pritet veza.

MC/Shqiptarja.com

TAG:
• shije
• gjelle vere
• mashurka te fresketa me salce te bardhe
• zonjaalbana