POP 5

Lajmet më të lexuara të 5 minutave të fundit

Sociale

Massafra mban meshën e parë për 2020 për fëmijët me aftësi të kufizuar: Tërmeti, një goditje për t’i bërë gjërat më mirë (VIDEO)

Në meshën e parë për vitin 2020 Imzot Angelo Massafra ka dhënë një mesazh të drejtpërdrejtë për politikën që të bëjë më shumë për fëmijët në nevojë. Ai fton shqiptarët që të duan vendin e tyre dhe që tërmeti të shërbejë për t’i bërë gjërat më mirë në të ardhmen.

Arqipeshkvi i dioqezës së Shkodrës Imzot Angelo Massafra ka mbajtur  meshën e parë për vitin 2020 për fëmijët me aftësi të kufizuar. Mesazhi i Imzot Massafrës në këtë fillim ka qenë i drejtpërdrejt për shtetin që të kthejnë më shumë sytë nga njerëzit në nevojë. Ai i bën apel politikës që të bëjnë siç duhet punën e tyre.

“ Me këta fëmijë që mund ti shikoni edhe ju, fëmijë që janë me aftësi të kufizuar, që kanë sëmundje disa më të rënda dhe disa më të lehta. Një gjë që e bëj për të falënderuar zotin që na jep fuqi për të bërë këtë punë. Duhet solidaritet më shumë nga ana e shtetit, nga ana e të tjerëve. Atëherë kjo të jetë si një xitje që është e mundur që mund të bëjmë më mirë”,tha  Imzot Angelo Massafra, Arqipeshkvi i dioqezës së Shkodrës

Massafra fton shqiptarët për bashkim dhe të duan më shumë vendin e tyre. Sipas tij tërmeti ishte një goditje për të zgjuar njerëzit që t’i bëjnë gjërat më mirë dhe të rindërtojnë Shqipërinë për ta bërë edhe më të bukur.

“Ftesa ime është që të gjithë të bëjmë më shumë për vendin tonë, askush të mos laj duart. Të gjithë duhet të bëjmë punë për të rindërtuar vendin tonë. Boll ka vuajtur ky vend, secili të bëjë punën e vet sa më shumë dhe më mirë për një Shqipëri më të mirë. Ndoshta se ka pasur nevojë për një goditje ose të shërbejë kjo goditje për të na zgjuar”. tha Imzot Angelo Massafra

Mesha për fëmijët me aftësi të kufizuar është zhvilluar në shtëpinë e motrave të “Nënë Terezës” në Shkodër.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46