Matura 2021/ Dalin notat e testit të matematikës, Kushi: Ulëm kufirin minimal të kalueshmërisë! 1,820 maturantë kanë marrë notën 10

Janë publikuar ditën e sotme rezultatet e provimit të matematikës të Maturës Shtetërore 2021. Lajmi u bë i ditur nga Ministrja e Arsimit, Evis Kushi, e cila njoftoi po ashtu se pas një analize të kujdesshme dhe duke marrë në konsideratë vështirësitë e këtij viti shkollor, është vendosur ulja e kufirit minimal të kalueshmërisë dhe atë të pikëve për çdo notë.

Ndërkohë, ajo nënvizon se janë 1,820 maturantë nga e gjithë Shqipëria që kanë marrë notën 10.

"Të dashur maturantë, sipas angazhimit tonë, ne analizuam me shumë kujdes çdo shqetësim tuajin dhe të mësuesve mbi testin e matematikës në Maturën Shtetërore dhe pas vlerësimit të të gjitha testeve, duke marrë në konsideratë vështirësitë e këtij viti shkollor, me vendim unanim të Komitetit të Maturës Shtetërore, kemi vendosur uljen e kufirit minimal të kalueshmërisë dhe atë të pikëve për çdo notë. Shumë suksese në sezonin e vjeshtës atyre që nuk ia dolën dot të jenë kalues dhe urimet më të përzemërta të gjithë të tjerëve, sidomos 1820 nxënësve nga e gjithë Shqipëria që kanë marrë notën 10", shkruan Kushi.

LEXO EDHE:
Përplasje të ashpra tek Komisioni i Edukimit, Kushi: Më jep fjalën, të të vijë turp! Zhupa: As kam vjedhur, as kam qenë ministre

Kujtojmë se maturantët në të gjithë vendin u ngritën në protestë pa sprovimit të matematikës, duke e konsideruar atë shumë të vështirë dhe se teza ishte e formuluar gabim. Ata i bënë kërkesë Ministrisë së Arsimit që të ulte pikëzimin që behet për ndarjen mes notave, kërkesë e cila u plotësua.

(Kliko këtu për të parë rezultatet e provimit të matematikës )

TAG:
• matura shtetërore
• Evis Kushi
• provimi i matematikes

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq