Maturantët në të gjithë vendin iu nënshtruan këtë të hënë provimit të dytë të maturës shtetërore atij të Gjuhës Shqipe dhe Letërsisë.
Rreth 28 mijë nxënës u paraqitën që në orët e para të mëngjesit pranë 144 qendrave të provimit të ngritura në gjithë vendin, për t’iu nënshtruar kontrolleve para nisjes së provimit. Provimi nisi në orën 10 të mëngjesit dhe zgjati siç ishte parashikuar, për 2 orë e 30 minuta.
Dhe skenari është i njëjti, edhe pse Ministria e Arsimit angazhoi rreth 2900 punonjës, mësues, administrator për mbarëvajtjen dhe monitorimin e provimit.
Edhe në provimin e dytë të maturës shtetërore atë të Gjuhës Shqipe dhe Letërsisë, teza u publikua në rrjetet sociale 30 minuta pas nisjes.
Megjithatë, me të njëjtin qëndrim si për provimin e gjuhës së huaj më 3 qershor, Ministria e Arsimit thotë se publikimi i tezës nuk e cenon aspak procesin.
Për maturantët provimi ishte i nivelit mesatar, ndërsa sfidën kryesore e kanë javën e ardhshme, kur më 18 qershor testojnë njohuritë në matematikë.
Provimet në total kanë 60 pikë, 20 pikë pyetjet me alternativa, dhe 40 në ato me shtjellim. Provimi i fundit i maturës do të jetë me 24 qershor, ku nxënësit do të testohen në lëndët me zgjedhje.
Pas daljes së tezës së maturës për lëndën e Gjuhës Shqipe dhe Letërsisë ka reaguar Ministria e Arsimit. Në reagim thuhet se procesi i provimit të Maturës në Gjuhë Shqipe dhe Letërsi po kryhet brenda të gjitha standardeve të sigurisë të përcaktuara në Rregulloren e Maturës Shtetërore dhe nuk cenohet procesi.
“Ministria e Arsimit dhe Sportit siguron se publikimi i tezës së provimit të maturës të Gjuhës Shqipe dhe Letërsi, pas nisjes së provimit, nuk cenon aspak procesin dhe mbarëvajtjen e provimit të Marurës Shtetërore.
Rreth 28 mijë maturantë, në 144 qendrat e provimeve në mbarë vendin vazhdojnë të zhvillojnë provimin e tyre në mënyrë të qetë dhe në përputhje me të gjitha standardet e sigurisë të përcaktuara në rregulloren e Maturës Shtetërore.
MAS dhe institucionet arsimore mbeten të angazhuar për të siguruar një proces transparent dhe të drejtë për të gjithë maturantët, duke u kujdesur që çdo shqetësim i opinionit publik të trajtohet me seriozitetin e duhur.
Në të njëjtën kohë, Ministria thekson se institucionet arsimore kanë ndërmarrë të gjitha masat e nevojshme për të garantuar mbarëvajtjen e procesit të provimit dhe për të ruajtur integritetin e tij.
Suksese të gjithë maturantëve! Falënderime çdo mësuesi, administratori dhe monitoruesi të angazhuar në këtë proces të rëndësishëm të provimeve të Maturës Shtetërore”, thuhet në njoftim.
Përsëritet sërish skena! Një nga tezat e provimit të dytë të Gjuhë Letërsisë, së Maturës Shtetërore 2024, u shpërnda me shpejtësi në rrjete sociale 30 minuta pasi maturantët ishin në provim
Lajme të tjera
-
VIDEO/ Viti i ri shkollor nis të hënën, gati një tjetër shkollë e re në Fier, 'Naim Frashëri' do presë 850 nxënës!
7 Shtator, 08:48 -
Si nisi skema e mashtrimit me bursat e studimit! Zbulohet e-mail i parë të 20-vjeçarit që maskohej si “Klea Rama”, dërguar Ministrisë së Arsimit
29 Korrik, 16:25 -
Plani i Zhvillimit Profesional të Mësuesve, Manastirliu: Sistem i ri i karrierës, mbështetje për mësuesit që në vitet e para, dyfishohet pagesa për kualifikim
17 Korrik, 14:48 -
Nisin trajnimet për shkollat me Smartlab-e të reja, Manastirliu: Synojmë integrimin e aftësive digjitale në të gjithë kurrikulën mësimore
16 Korrik, 14:58 -
Matura 2024/ Publikohen rezultatet e provimit të lëndës me zgjedhje, nota mesatare 7.51! Vetëm 306 maturantë ekselentë, 630 ngelin
30 Qershor, 09:31 -
Matura 2024/Dalin rezultatet e provimit të Gjuhës Shqipe e Letërsisë! Nota mesatare 7! Nga 26 mijë maturantë vetëm 31 morën 10 maksimale (PDF)
24 Qershor, 14:05 -
925 maturantë ngelës në Gjuhët e Huaja, eksperti i arsimit për Report Tv: Nuk mësohet në mënyrë të strukturuar! Askush nuk mban përgjegjësi për publikimin e tezave
18 Qershor, 14:57 -
Matura/ 28 mijë maturantë testohen në Matematikë, teza publikohet 30 minuta pas nisjes së provimit! Ministria: Nuk cenon procesin (FOTOT)
18 Qershor, 07:40 -
Problemet në arsim/ Taulant Muka në Studio Live: Rektori i Universitetit të Tiranës me plagjiaturë! Ja kush janë dekanët dhe ministrat plagjiaristë
10 Qershor, 18:59 -
Dhjetëra aplikime në Dyrrah City Football Academy! Trajnerët e Man. Cityt stërvisin talentet shqiptarë, administratori: Do ketë bursa
10 Qershor, 17:14 -
Matura 2024/ 28 mijë maturantë testohen sot tek 'Gjuha e Huaj', teza publikohet 30 minuta pas provimit! MAS: Nuk cënohet provimi
3 Qershor, 08:27 -
Matura 2024, nesër 28 mijë maturantë testojnë njohuritë në “Gjuhën e huaj”! Ministria: 2900 vëzhgues, tre nivele vështirësie, 70% e sallave me kamera
2 Qershor, 16:27
