Mavraj drejt transferimit te Partizani: Jam në bisedime

Futbollisti Mërgim Mavraj mund të transferohet te Partizani. Pas largimit të Belicës, të kuqtë janë në kërkim të një tjetër qendërmbrojtësi.

Ky ndryshim i mundshëm u raportua edhe më parë në media, por sëfundmi vetë Mavraj e ka komentuar këtë lajm, duke konfirmuar se ka nisur bisedimet.

“Po, mund t’jua konfirmoj që kam lejuar të nisin bisedimet. Për momentin vetëm kaq mund të them. Nuk e di se si mund të shkojë, nëse do të ketë një bashkëpunim apo jo. Nga ana ime mund të them se fakti që një klub si Partizani është interesuar për mua që të jem pjesë e tij, është një vlerësim shumë i madh. Të rikthehem prapë në ato fusha me tifozët e mrekullueshëm shqiptarë, në fushat ku kemi pasur shumë kujtime, do të ishte një mënyrë nostalgjike për t’i prekur edhe një herë ato stadiume, ato fusha. Madje, ja tani që po i përmend për ju, sa më shumë i mendoj, aq më shumë më shtohet dëshira. Gjithsesi, nuk e di se si do të mbyllet, janë shumë faktorë. Nga ana ime është një ide shumë e mirë, shumë e bukur, që ta mbyll karrierën në Shqipëri.Po e përfundoj duke e theksuar edhe një herë, që a do të më jepet apo jo mundësia, nuk e di”, tha ai ndër të tjera për “OverSport”.

LEXO EDHE:
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet

Mavraj është pa skuadër aktualisht, ai është ish-kapiteni i kombëtares, ndërsa ka luajtur  me ekipe si Hamburg, Ingolshtad apo Grojter Furth.

TAG:
• partizani
• mergim mavraj

Sondazhi i ditës:

Si ka qenë për ju viti 2024?

• I mirë

  44.2%

• I keq

  22.7%

• As i mirë as i keq

  33.1%

Vota total: 1506

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq