Maya flet për herë të parë pas publikimit të videos së sherrit me burrin: Nuk u shfaq e gjitha, u servir një manipulim

Këngëtarja e njohur Maya, ka folur për herë të parë pas publikimit të videos virale, ku ajo ishte përfshirë në një sherr me bashkëshortin.

E ftuar sot në “Cherry on Top”, Maya tregoi ndjesitë aspak të mira që e pasuan pas asaj videoje të publikuar në media, por tha se e ka kaluar tashmë dhe çështja është në duart e drejtësisë.

“Para se të jem këngëtare, jam nënë, kur je nënë ke ca përgjegjësi më të mëdha. Gjërat privaten zgjidhen në shtëpi, nëse jo, në gjykatë. Ndodhin, kështu është jeta. Kjo pjesa që deshën të më bënin keq, njerëzit më kanë pritur dyfish më mirë, kërkesat më janë shtuar 10 fish. Njerëzit ndryshojnë, ndodhin fenomene, nuk e di…nuk u ndjeva mirë. Unë e dija çfarë ka ndodhur dhe në të vërtetë nuk u shfaq e gjitha. Në publik serviret një manipulim, por ka gjykata që vendosin. Unë do merrem me rrugën ligjore. Jemi në një shoqëri të rënduar psikologjike, nuk duhet të tejkalohet, duhet pasur kujdes edhe nga mediat. Nuk duhet të jenë të babëzitur, sepse dëmtojnë shumë njerëz. Duhet të bëjnë pak tërheqje dhe ta mendojnë çdo gjë si për vet.

LEXO EDHE:
Divorci dhe sherri i bujshëm, flet këngëtarja Maya: Ish-burri ka probleme me alkoolin dhe drogën

Gjithashtu Maya tha se e vërteta është përtej asaj videoje, por që nuk do donte të fliste për të.

“Kemi pasur edhe vite të bukura por kaq, nuk dua të them më shumë se do dilte e vërteta dhe e vërteta nuk është e bukur. Unë jam artiste, ma ka dhënë Zoti këtë. Kur vesh pallton e skenës, më ikin të gjitha hallet me publikun që pret energjinë tënde.

Kemi shumë njerëz që na duan. Të gjithë më kanë mbështetur në mënyrën e vet. Duhet të bëj një falënderim publik me fansat që më kanë shkruar. Nuk jam marrë me rrjetet sociale, nuk merrem aspak se nuk dua të marr energji negative.”, u shpreh Maya.

SI.E./Shqiptarja.com

TAG:
• maya alickaj