Ish kreu i bandës së Durrësit, Lulzim Berisha doli këtë të enjte para GJKKO për vlerësimin e masës së sigurisë ‘arrest në burg’ të dhënë ndaj tij. Gjykata vendosi lënien në fuqi të masës së sigurisë ndaj ish kreut te bandës së Durrës, i cili u ekstradua dy ditë më parë nga Spanja ndërsa akuzohet për disa vepra kriminale.
Në vitin 2020, GJKKO caktoi ndaj Berishës masën e sigurisë “Arrest në burg”, për veprat penale “Vrasja me paramendim”, “Vrasja në rrethana cilësuese”, kundër 2 ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”, të kryera në formën e grupit të strukturuar kriminal.
Në seancë, Lulzim Berisha ka mohuar të ketë njohje me bashkëpunëtorin e drejtësisë Luftar Reçin.
“Nuk e njoh fare atë njeri, nuk e kam takuar asnjëherë. Nëse më provoni një kontakt me Luftar Reçin apo një telefonatë me të, se un kam qenë në Turqi, më dënoni sa të doni. Njëlloj siç më ra akuza tjetër, do të bjerë edhe kjo”, ka thënë ai.
Pas përfundimit të seancës, edhe avokati i tij, Detar Hysi foli për mediat, duke thënë se Luftar Reçi po mashtron institucionet e drejtësisë. Ai kërkoi që prokurorët e posaçëm të jenë më të kujdesshëm me deklarimet e bashkëpunëtorëve të drejtësisë pasi po cenohet siguria kombëtare.
“Nisur nga përmasat mediatike që ka marrë çështja, dua të sqaroj se i ashtuquajtur bashkëpunëtor i drejtësisë Luftar Reçi, një mitoman permanent, që nga dita që është futur në burgje, bën kërkesa dhe krijon artifica duke mashtruar institucionet shtetërore. Përfitoj nga rasti t’i bëj thirrje ndërgjegjes profesionale të prokurorëve të posaçëm, që përdorimi i bashkëpunëtorëve të drejtësisë cenon rëndë sigurinë kombëtare, sigurinë e jetës dhe sigurinë e pronës dhe duhet të heqim dorë nga ky standard ekstra ligjor. Prokurori duhet t’i përkushtohet përgjegjësisë dhe pavarësisë në ushtrimin e detyrës”, tha avokati Detar Hysi.
54-vjeçari në bashkëpunim me disa persona të tjerë kanë plagosur 2 persona në vitin 2004, në 2005 ka vrarë me armë zjarri tre persona dhe ka plagosur një tjetër.
Lulzim Berisha u arrestua në shtetin spanjoll në dhjetor të vitit 2023 me qëllim ekstradimin drejt Shqipërisë. Ai mbante një identitet bullgar ndërsa ishte transformuar tërësisht, me mjekër të bardhë dhe tatuazhe në të gjithë krahët.
Fillimisht u shpall në kërkim në 2020-ën për vrasjen e Vajdin Lames dhe Klodian Saliut, vrasje të vitit 2005, të cilët u zbardhën 15 vite më vonë. Për vrasjen e Lames çështja u pushua për mungesë provash, ndërsa aktualisht ishte në kërkim vetëm për Klodian Saliun, i cili u vra në rrugën Durrës-Maminas, në fshatin Koxhaj teksa po lëvizte me makinën “Mercedes Benz”.
Lulzim Berisha, i dënuar fillimisht me burgim të përjetshëm për pjesëmarrje në organizatë kriminale, vrasje dhe trafiqe ilegale në vitet 1998-2000, mundi ta ulë dënimin nga burg përjetë në 25 vjet burg me vendim të Gjykatës së Lartë në vitin 2014. 2 vjet më vonë, ish-kreu i bandës së Durrësit mundi të lërë qelinë me vendim të Apelit të Durrësit, e cila përmes një llogaritje matematikore arsyetoi se 3 e 4-ta e dënimit ishte shlyer, sjellja e tij ishte e mirë dhe i faleshin 5 vite të mbetura dënimi.
Megjithatë, do ishte Gjykata e Lartë, e cila në dhjetor 2021 do të prishte vendimin e Apelit të Durrësit për faljen e 5 viteve, duke kërkuar rikthimin në qeli për vuajtjen e tyre. Me këtë arsye Prokuroria e Durrësit e shpalli në kërkim në janar 2022 dhe u arrestua në Spanjë në dhjetor 2023. Me rikthimin në Tiranë, Lulzim Berisha ka dy llogari me drejtësisë, përmbylljen e dënimit të vjetër dhe gjykimin për vrasjen e 2005-ës të Klodian Saliut.
Komente
Lajme të tjera
-
Rama: Më 11 maj duam rezultat të thellë, zgjedhjet të rëndësishme sa të vitit 1992! Ata duan të shkrijnë SPAK, mos ia jepni votën kënetës
21 Mars, 09:08 -
Rikonstruksioni i Komisariateve, GJKKO kalon për gjykim dosjen e deputetit Plarent Ndreca dhe 15 të tjerëve (EMRAT+VENDIMI)
20 Mars, 15:20 -
I akuzuar për vrasjen e Fatbardh Licit në 2018, Apeli i GJKKO lë në burg Safet Bajrin! I 'forti' i Shkodrës: Përgjime pa lidhje, atë ditë isha në diskotekë dhe restorant peshku
20 Mars, 12:52 -
Dumani rrëfen vrasjen e Dorjan Shkozës: Erjon Alibejt i thashë se do e bënte Bitri, makinën ‘Benz’ ia mora Florenc Çapjas! I tregova se e doja për atentat
20 Mars, 12:03 -
‘Plumbi i artë’/ Dumani: Më dhanë 100 mijë euro për vrasjen e shokut tim Shkoza! Komisari Lamaj më ra në hak! Diva: Gjyqtarë e deputetë takonin Nuredinin, kam 120 minuta incizime
20 Mars, 11:49
-
Durrës/ Shtriu përtokë një grua dhe i grabiti çantën, arrestohet 44-vjeçari i dyshuar! Kamera filmoi momentin e sulmit (EMRI+VIDEO)
20 Mars, 11:25 -
Arrestohet nipi i ish-ministrit Lefter Koka, iu gjet armë pa leje në banesën në Durrës
20 Mars, 09:31 -
VIDEO/ 4 të rinj vdesin në aksident tragjik në Fushë-Prezë, 2 prej tyre vëllezër! Mjeti shpërthen në flakë pas përplasjes! Shoferi i betonieres pa patentë, ndaloi në rrugë pa bllokazh
20 Mars, 06:49
-
'Shpirti' / GJKKO dënon me 10 vite burg dy anëtarë të grupit të përfshirë në skemën e trafikut ndërkombëtar të drogës
19 Mars, 16:32 -
Shpërdoroi detyrën, Apeli i GJKKO lë në fuqi dënimin me 8 muaj burg për ish-kryebashkiaken e Libohovës! I konvertohet në 1 vit e 4 muaj shërbim prove
19 Mars, 13:15
-
Dosja ‘5D’/ GJKKO kalon për proces fraksionin e dytë, të pandehur 9 anëtarët e Komisionit të Ofertave në Bashkinë e Tiranës! Pranohet gjykimi i shkurtuar, ja për çfarë akuzohen (EMRAT)
18 Mars, 14:02
-
Ekstradohet nga Spanja ish-kreu i bandës së Durrësit, Lulzim Berisha akuzohet për vrasjen e rivalit Klodian Saliu (VIDEO)
18 Mars, 11:33
