POP 5

Lajmet më të lexuara të 5 minutave të fundit

Kronikë

Mbajti fëmijët peng me kallashnikov/ Zbardhet dëshmia e Aleks Markut në polici: Nuk jam treguar i dhunshëm! Me gruan kishim debate prej kohësh

Është zbardhur në polici dëshmiar e Aleks Marku, 40-vjeçarit që mbajti peng fmëijët në një apartament me qira në zonën e Shkëmbit të Kavajës në plazhin e Durrësit. Ai ka deklaruar se me bashkëshorten kishin konflikte dhe ajo ishte e lidhur me dikë tjetër.

Është zbardhur dëshmiar e Aleks Markut në polici, 40-vjeçarit që mbajti peng dy fëmijët e mitur në një apartament me qira në zonën e Shkëmbit të Kavajës në Durrës. Ai ka pranuar konfliktin me bashkëshorten, e cila sipas tij ishte e lidhur me dikë tjetër.

Ndërkohë që pohon se në apartmentin ku shkoi mor fëmijët sepse donte t'i largonte nga i dashuri i gruas. Sakaq, pretendon se kyi fundit po vinte për ta sulmuar, prandaj kishte dalë me kallashnikove në dritare.

‘Unë me fëmijët kam katër ditë që qëndroja në shtëpi në plazh dhe fëmijët ishin shumë mirë me mua. Gruaja kishte ikur në Itali dhe kemi disa kohë që kemi debate me njëri-tjetrin. Nga debati i fundit që patëm ajo u largua për në Itali dhe unë mora fëmijët dhe erdhëm në Durrës. Ajo ka dashnor dhe prandaj doja t’i largoja fëmijët. Dje në shtëpi kanë ardhur dashnorët e saj për të na sulmuar dhe unë prandaj dola në dritare duke qëlluar që të largoheshin. Nuk i kam bërë gjë fëmijëve, thjesht djalin e mora me vete në ballkon kur po qëlloja, që ta kisha dëshmitar. Nuk jam treguar i dhunshëm me fëmijët’, ka deklaruar në polici Aleks Marku.

Ndërkohë që nga policia thonë se djalin në momentin që qëllonte po e mbante në ballkon dhe i kishte mbushur mendjen që nëse vinte policia t’i tregonte policisë se disa burra kanë ardhur të na vrasin.

Pra dhe djalin e ka përdorur për alibi dhe si “dëshmitar” duke u përpjekur ta mësonte se çfarë të thoshte në momentin që policia do të vinte.

Të gjithë ngjarje e ka bërë sepse dyshon që gruaja e tradhton, prandaj dhe është krijuar kjo situatë në familje sipas Markut dhe prandaj ka ndodhur ngjarja e djeshme.

Nëna me fëmijët tashmë janë kthyer në Lezhë dhe nuk ndodhen në apartamentin në Shkëmbin e Kavajës.

Për Aleks Markun pritet të dalë testi i drogës, por siç bëhet me dije nga burimet ai ka qenë nën efektin e lëndëve narkotike në momentin kur ka qëlluar me armë brenda banesës duke thyer xhamat e dritares dhe duke shkaktuar dëmtime në muret.

40-vjeçari Aleks Marku terrorizoi fëmijët dhe fqinjët tek Shkëmbi i Kavajës nga ora 2 e natës deri në mëngjesin e djeshëm teksa qëllonte me kallashnikov brenda banesës me qira. Pas orësh të tëra negociata ku pjesë u bënë forcat RENEA, Marku doli nga banesa dhe u dorëzua.

Për fat fëmijët ishin në gjendje të mirë shëndetësore dhe gjatë natës ata i ishin lutur të ndalonte të shtënat dhe tëb hidhte tej armën. Me bashkëshorten ai ishte martuar prej 11 vitesh dhe ajo e kishte denoncuar në Komisariatin e Lezhës, për dhunë psikologjike. 

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ Mbyllja e TikTok, 81% e shqiptarëve pro vendimit të qeverisë

Sondazhi/ Mbyllja e TikTok, 81% e shqiptarëve pro vendimit të qeverisë

25 Dhjetor, 21:08