POP 5

Lajmet më të lexuara të 5 minutave të fundit

Kronikë

Sarandë/ Shkuan të mbyllin lokalin që kishte shkelur orën policore, klientët bëjnë sherr me efektivët, 2 nën hetim! Gjobitet me 1 mln lekë edhe pronari

Ora policore e vendosur për parandalimin e përhapjes së COVID-19 nuk është zbatuar as nga pronari dhe as nga klientët në një lokal në Sarandë. Policia i ka vënë gjobë pronarit dhe më pas ka shkuar të mbyllë lokalin që qëndronte hapur jashtë fashës orare të lejuar.

Ora policore e vendosur për parandalimin e përhapjes së COVID-19 nuk është zbatuar as nga pronari dhe as nga klientët në një lokal në Sarandë. Policia i ka vënë gjobë  1 mln lekë pronarit dhe më pas ka shkuar të mbyllë lokalin që qëndronte hapur jashtë fashës orare të lejuar. Gjatë mbylljes së lokalit, efektivët janë kundërshtuar nga 2 klientë të cilët kanë refuzuar të dalin nga ambientët ndërsa janë përplasur dhe me policët.

Kanë qenë 2 klientët me iniciale S. A., 49 vjeç, dhe A. C., 41 vjeç të cilët janë nën hetim në gjendje të lirë, për kundërshtim të punonjësit e Policisë. Ngjarja ka ndodhur gjatë mbrëmjes së djeshme në lagjen Nr.1, Sarandë në lokalin në pronësi të shtetasit I.S. 

Njoftimi i policisë:

Vijon puna për monitorimin e zbatimit të masave kufizuese për parandalimin e përhapjes së COVID-19. Mbante hapur lokalin jashtë fashës orare, gjobitet me masë administrative 1.000.000 lekë, pronari i lokalit. Procedohen penalisht dhe 2 shtetas, klient të lokalit, kundërshtuan punonjësit e Policisë. Gjatë mbrëmjes së djeshme, në lagjen Nr.1, Sarandë, shërbimet e Forcës së Posaçme “Shqiponjat”, kanë konstatuar të hapur jashtë fashës orare lokalin në pronësi të shtetasit I.S. Gjatë kohës që punonjësit e Policisë po plotësonin masën administrative për ushtrimin e aktivitetit në kundërshtim me Aktin Normativ, ata janë kundërshtuar nga shtetasit S. A., dhe A. C., të cilët ndodheshin në lokal.

Shtetasit S. A., 49 vjeç, dhe A. C., 41 vjeç, banues në Sarandë janë shoqëruar në Komisariat dhe në përfundim të veprimeve janë proceduar në gjëndje të lirë, për veprën penale "Kundërshtimi i punonjësit të policisë së rendit publik”. Nga shërbimet e Policisë, në bazë të Aktit Normativ Nr. 3, datë 15.03.2020, është vendosur masa administrative 1.000.000 lekë për pronarin e lokalit, shtetasin I.S. Materialet i kaluan Prokurorisë, për veprime të mëtejshme procedurale.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • turisti qe nuk vjen ne Shqiperi edhe sikur te me paguajne: 27/06/2021 21:00

    deri sa mentaliteti i shqiptarit esht qe mund t prekesh policin sikur me qene Skenderbeu nuk do kete qetesi.keta legenat qe prekin policin kujtojne qe leket qe kane i japin te drejten te jene mbi ligjin.nuk them qe duhet ligji me vdekje por qe duhet te vloje dajaku qe mos ti shkoje me mendja te shohi shtrembt policin ....atehere do mund te filloje shpresa qe mund te kemi rregull

    Përgjigju
  • Pjeter: 27/06/2021 19:43

    Ketu o njeres thjesht nuk mjaftojne vetem ligjet,duhet dajaku i forte,shoqeria jone eshte e trashe,nuk ka piken e kultures ligjore,ne fund te funfit,30 vjet rresht ligji i xhungles,nuk behen shatazat njeres kaq kollaj,jug veri nje mut eshte.Nujk e kemi idene qe njerzit e qyteteruar respektojne rregullat e ligjet qe kane vendosur vete e qe rregullojne nje bashjejetese te qete,jo per ne kjo nuk vlen.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Kthehu për një kafe o burrë', Rama tregon përballjet me shqiptarët në Britani: Shoferi im në Londër ka ardhur me kamion

'Kthehu për një kafe o burrë', Rama tregon përballjet me shqiptarët në Britani: Shoferi im në Londër ka ardhur me kamion

24 Nëntor, 14:21