Një debat i ashpër në shtëpi në prag të ndërrimit të viteve, e largoi një 24-vjeçare nga gjiri familjar, duke përfunduar e marrë peng, e mashtruar, e dhunuar, dhe e shfrytëzuar për prostitucion për 2 muaj resht nga një 33-vjeçar të cilin e kishte njohur në rrjetet sociale. Arbër Mehmeti nuk ishte aspak mashkulli ideal, por një i dënuar për tentativë vrasje, pronar i një lokali të njohur në Fier, brenda të cilit në dhoma të veçanta, shfrytëzonte vajza për prostitucion. Të njëjtin fat pati edhe e reja nga Patosi, sot e shpëtuar nga duart e shfrytëzuesve, falë shoqes së saj që nuk kishte komunikuar me të prej 2 muajsh dhe kishte dijeni që ishte lidhur në rrjetet sociale me 33-vjeçarin e rrezikshëm Arbër Mehmeti.
Me tu larguar nga shtëpia më 31 dhjetor 2022 takimin e parë në Fier 24-vjeçarja e pati me 33-vjeçarin. Hipi në makinën e tij dhe menjëherë Arbër Mehmeti i kërkoi telefonin, i hoqi kartën SIM, e theu dhe i mori kartën e identitetit. Vajza nuk mori aspak dashuri por grushte në kokë dhe e kërcënuar me jetë për të mos i treguar askujt asnjë fjalë. E frikësuar vajza ka qëndruar e heshtur dhe e izoluar në një shtëpi pranë lokalit “Cassablanca” në Fier, pa kontakt dhe komunikim me persona të tjerë.
Nga momenti i takimit me Arbër Mehmetin dhe deri kur policia u njoh me denoncimin e shoqes së vajzës, 24-vjeçarja është shfrytëzuar për prostitucion në dy banesa me qira në qytetin e Fierit dhe në një ambient të brendshëm në lokalin e 33-vjeçarit, kundrejt shumave 30 mijë lekë deri 200 euro, para që të përfshirët në këtë rrjet i kalonin në llogaritë e tyre. Tashmë në duart e personave që do të kujdesen për rehabilitimin e saj dhe rikthimin në familje, vajza ka treguar se gjatë këtyre dy muajve është detyruar të kryejë marrëdhënie seksuale me meshkuj të ndryshëm edhe në disa hotele, në natyrë dhe në automjete.
Marrjen peng të 24-vjeçares, dhunimin dhe shfrytëzimin e saj e dinin edhe vajza të tjera me të cilat Arbër Mehmeti bashkëpunonte. Tre prej tyre u arrestuan nga policia. Aleksandra Toska, një 19 vjecare banuese në Fier, kishte dhe një nga banesat e marra me qira ku vajza shfrytëzohej për prostitucion. Pranvera Isufaj, 32 vjeç nga Patosi ishte në masë sigurie të arrestit shtëpiak për mbajtje pa leje të armëve të ftohta dhe sipas policisë ka bashkëpunuar në këtë rrjet bashkë me një të mitur 17-vjeçare me inicialet A.D nga Fieri.
Kreu i veprimtarisë kriminale, Arber Mehmeti u shpall në kërkim dhe sipas policisë ai ishte i dënuar më parë, pasi në vitin 2013 ka tentuar të vrasë në bashkëpunim me një person tjetër, dy të rinj 21 vjeçarë. Sipas burimeve për Report Tv, në kohën kur shfrytëzonte të renë për prostitucion, Mehmeti ishte në “arrest shtëpie”, masë të cilën e ka thyer dhe ndër të tjera do të akuzohet edhe për largimin e të burgosurit nga vendi i qëndrimit. Policia po heton për të identifikuar dhe për të vënë përpara përgjegjësisë penale, edhe persona të tjerë të implikuar në këtë rast.
Arbër Mehmeti u shpall sot në kërkim nga policia e Fierit si organizator i ngjarjes kriminale të ndodhur në Patos, ku një 24 vjeçare prej dy muajsh mbahej peng nga Pranvera Isufaj, Aleksandra Toska dhe e mitura A.D, të cilat e shfrytëzonin për prostitucion.
Mësohet se Mehmeti ishte i dënuar më parë për vrasje të mbetur në tentativë në vitin 2013 kur së bashku me Shpëtim Kanda, 40 vjeç, tentuan të vrasin me armë zjarri ‘pistoletë’ shtetasit E.S, 30 vjeç dhe E. S., 21 vjeç. Ngjarja ka ndodhur pas një konflikti për motive të dobëta.
Komente
Lajme të tjera
-
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Aksident në aksin Petovë-Libofshë/ Makina përplaset me motorin, 1 në gjendje të rëndë! Dërgohet drejt Traumës
20 Nëntor, 18:23 -
Fier/ Vrasja me thikë e 20-vjeçarit nxënës te ‘Petro Sota’, familjarët kërkojnë hetime më të thelluara: Gjykata të kthejë dosjen në prokurori
20 Nëntor, 17:49
-
VIDEOLAJM/ ‘Dielli i Zi’ në Roskovec, spektakli magjepsës i zogjve shtegtarë
20 Nëntor, 15:05
-
Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!
19 Nëntor, 15:30
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
Tu shujte fara ty more qen bir qeni dhe atyre bushtrave qe e moren peng kete vajzen dhe policise qe duhet ta di se sben ne nje pordh ven se ku kryhet prostitucioni me detyrim e dhune. Ju meritoni plumbin ose ekstradim te ai burgu i El Salvadorit t'ju rregullojne mire aty.
Përgjigju