POP 5

Lajmet më të lexuara të 5 minutave të fundit

Sociale

Doganierët grekë mbyllin grevën, hapen 4 pikat kufitare me Greqinë! Në Kapshticë mbi 3 km radha e kamionëve me mallra në pritje për të hyrë

Është rikthyer normaliteti në pikat kufitare me Greqinë pas grevës 48 orëshe të doganiereve greke. Report TV kreu vëzhgim në Kapshticë dhe Kakavijë, ku lëvizja e udhëtareve paraqitet pa vonesa, ndërsa kamionët e mallrave kanë qëndruar në radhë për tu zhdoganuar.

Pas bllokimit 48 orësh, sot u hapën të gjitha pikat doganore që lidhin Shqipërinë me Greqinë. Bëhet fjalë për 4 pikat kufitare Kakavijë, Kapshticë, Tre Urat e Qafë-Botë.

Pikat doganore u hapën në orën 05:30. Në Kapshticë u vu re fluks i lartë i lëvizjes, kryesisht të kamionëve të transportit të mallrave, të cilët ishin parkuar dhe prisnin të hapej trau. Radha e kamionave shkoi në 3 kilometra.

Po kështu në e Piken Kufitare te Kakavijes me dhjetëra kamionë të mallrave kanë mbetur disa orë në pritje për tu zhdoganuar.

Kujtojmë se përgjatë 48 orëve u pezullua plotësisht qarkullimi i çdo lloj automjeti, autobusi, kamioni dhe qytetarëve me bagazhe. Nga kjo situatë u përjashtuan rastet emergjente dhe qytetarët të cilët kalojnë në këmbë. Shkak u bë greva e doganiereve greke për paga më të mira dhe kushte pune.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

Veliaj në SPAK, Valteri: Nuk mu duk i shqetësuar! Protesta? S’trembemi nga Gaz Bardhat

Veliaj në SPAK, Valteri: Nuk mu duk i shqetësuar! Protesta? S’trembemi nga Gaz Bardhat

30 Prill, 21:22