Mbërrijnë 5000 afganët në Gjermani, operacioni më i madh në histori! SHBA ka evakuuar në total mbi 30 mijë persona

Afganët janë larguar nga Kabuli të premten pasdite, në bordin e një Globemaster C17, kanë mbërritur në Gjermani, në bazën ushtarake amerikane të Ramstein. Në total bëhet fjalë për 5000 afganë që priten të strehohen për jo më shumë se 10 ditë siç parashikon marrëveshja, për të shkuar më pas në destinacionin final, SHBA. Ky është operacioni më i madh i evakuimit në histori.  Baza ushtarake e Ramstein ka një kapacitet prej 5 000 njerëzish, por me një intensitet fluturimesh çdo 90 minuta, ky kapacitet do të tejkalohet, ndaj është menduar që kampi të zgjerohet edhe me disa çadra të tjera që mund të mbajnë edhe 2500 persona të tjerë.    Nga ana tjetër, Shtetet e Bashkuara thanë të dielën se kanë evakuuar 7400 persona të tjerë nga Kabuli gjatë 24 orëve të fundit. Në total, SHBA-të kanë evakuuar në tërësi 25,100 njerëz javën e fundit dhe një total prej 30,000 që nga fundi i korrikut.

Lajmi kryesor:

Gjermania kryen operacionin më të madh të evakuimit në histori, strehohen 5000 afganë! SHBA mori 7400 të tjerë (30,000 në total)

B.K./Shqiptarja.com

TAG:
• Britani e Madhe
• Afganistan
• Kabul
• lufta ne afganistan