Propozimi i Edi Ramës si kryeministër, mbërrin në Presidencë shkresa e PS, firmosur nga Damian Gjiknuri

Edi Rama në takim me presidentin Ilir Meta, kur u betua në Presidencë si ministër i Jashtëm

TIRANË- Partia Socialiste nuk humbi kohë dhe 2 ditë pas shpalljes së emrave të qeverisë së re, hodhi hapin e parë procedural drejt fillimit të detyrës.

Këtë të shtunë, sekretari i përgjithshëm i Partisë Socialiste Damian Gjiknuri, në zbatim të nenit 96 të Kushtetutës, i dërgoi Presidentit Ilir Meta propozimin e partisë, që ka shumicën e vendeve në Kuvend, për Edi Ramën kryeministër.

Me mandatimin e kryeministrit nga Presidenti, Rama i paraqet për miratim Kuvendit, brenda 10 ditëve, programin qeverisës dhe emrat e ministrave parlamentit. Pas miratimit në Parlament, kryeministri i dërgon Presidentit për dekretim ministrat, i cili duhet të shprehet brenda 7 ditëve. Dekretet e miratuara nga Presidenti kalohen sërish nga kuvendi në një afat 10 ditë. Para fillimit të detyrës, Kryeministri, zëvendëskryeministri dhe ministrat do të betohen para Presidentit, të cilin e shkarkuan vetëm pak muaj më parë. 

Shumica e ministrave të kabinetit të propozuar Rama 3 ka marrë dekretime të mëparshme nga presidenti përveç Ulsi Manjës të zgjedhur Ministër i Drejtësisë, Frida Krifcës ministre e Bujqësisë, Delina Ibrahimit e Ekonomisë, Edona Bilalit ministre shteti për Sipërmarrjen dhe Bora Muzhaqit ministre Shteti për Rininë dhe Fëmijët. Ajo që pritet me interes është sjellja e presidentit Ilir Meta, nëse do të përsëritet i njëjti skenar siç ndodhi me Gent Cakaj, të cilin refuzoi që ta dekretonte si ministër i Jashtëm e që ky 'konflikt' shkoi deri në Gjykatën Kushtetuese, apo do të ketë një "epokë të re" sa i përket zhvillimeve politike në vend.  

Partia Socialiste nën drejtimin e Edi Ramës është futur në historinë e Shqipërisë, duke marrë një mandat të tretë radhazi, e duke u bërë kështu partia e parë që ka arritur ta sigurojë këtë rezultat në historikun e zgjedhjeve në vend. Socialistët kanë arritur që të marrin 74 mandate, të mjaftueshme për të qeverisur e vetme, pa pasur nevojën e një koalicioni, e ndërsa PD 59 mandate, kurse LSI vetëm 4 të tilla.

Emrat e ministrave të qeverise 'Rama 3'

  • Kryeministër – Edi Rama
  • Zëvendëskryeministër (do mbikëqyrë edhe rindërtimin) - Arben Ahmetaj
  • Ministre për Europën dhe Punëte Jashtme - Olta Xhacka
  • Ministër i Mbrojtjes - Niko Peleshi
  • Ministër i Drejtësisë - Ulsi Manja
  • Ministër i Punëve tëBrendshme - Bledi Çuçi
  • Ministre e Financave dhe Ekonomisë - Delina Ibrahimi
  • Ministre e Infrastrukturës dhe Energjisë-  Belinda Balluku
  • Ministre e Shëndetësisë dhe Mirëqenies Sociale - Ogerta Manastirliu
  • Ministre e Arsimit dhe Sportit - Evis Kushi
  • Ministre e Bujqësisë dhe Zhvillimit Rural- Frida Krifca
  • Ministre e Kulturës   Elva Margariti
  • Ministre e Mjedisit dhe Turizmit, - Mirela Kumbaro

4 ministra shteti

  • Elisa Spiropali për Marrëdhëniet me Parlamentin
  • Edona Bilalli ministre shteti për Mbrojtjen e Sipërmarrjes
  • Bora Muzhaqi ministre Shteti për Rininë dhe Fëmijët
  • Milva Ekonomi, ministre Shteti për Standardet e Shërbimeve

Kryetare e Parlamentit
Lindita Nikolla 

B.K./Shqiptarja.com
  • Sondazhi i ditës:

    Propozimi i PD-së, a besoni se do të bëhet vettingu i politikanëve?

Komento

Komente

  • Miki: 04/09/2021 09:22

    Cfare foto fantastike, kushedi sa me qef e keni perzgjedhur per ta nxjerre e servirur teleshikuesve tuaj. Dy qelbesira, dy vemje qe vetem e vetem shkaterrojne vjedhin kete vend, ju report tv e nxirrni gjithe qef, i kujtoni popullit se keta keni bjerini kembes o dele te edukuara

    Përgjigju
    • Kafsha: 04/09/2021 12:17

      Ti kafshe e pa edukuar per ke thua qe nuk vjedh?? Lulin?? Salen apo monen?? Tek ato port halet qe shkruan dhe punon si parazit besoj se nje shkrim te kushton 1 mij lek



×

Lajmi i fundit

John

Interi ngre kokë në Champions, Milani humbet edhe ndeshjen e tretë, Liverpool e Ajax me pikë të plota fitojnë edhe Real, City e PSG