Mbështetën protestuesit, arrestohen tre gazetare në Iran! Akuzohen si armike të Republikës Islamike dhe nxitëse të trazirave

Mbështetën protestuesit, arrestohen tre gazetare në Iran! Akuzohen si armike të Republikës Islamike dhe nxitëse të trazirave

Protesta në Iran

Autoritetet iraniane kanë arrestuar tre gazetare femra në dy ditët e fundit, thanë mediat lokale të hënën, mes muajsh protestash të shkaktuara nga vdekja në paraburgim e Mahsa Amini.

Irani është përfshirë nga protestat që nga vdekja më 16 shtator e Amini, një kurdeje 22-vjeçare iraniane, e cila ishte arrestuar nga policia e moralit për shkeljen e kodit të rreptë të veshjes së vendit për gratë.

Autoritetet iraniane thonë se qindra njerëz, përfshirë anëtarë të forcave të sigurisë, janë vrarë dhe mijëra janë arrestuar gjatë atyre që ata etiketojnë si trazira të nxitura nga armiqtë e Republikës Islamike.

“Në 48 orët e fundit, të paktën tre gazetare femra, përkatësisht Melika Hashemi, Saideh Shafiei dhe Mehrnoush Zarei, janë arrestuar në Teheran”, shkruajnë mediat e huaja.

Tre gratë ishin transferuar në burgun Evin, ku po mbahen shumë nga të arrestuarit në lidhje me protestat.

Vlerësohet se rreth 80 gazetarë janë arrestuar që nga fillimi i trazirave në vend katër muaj më parë.

Nuk janë dhënë detaje mbi arsyet e arrestimeve të fundit.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është i drejtë vendimi për të shtyrë Komisionin Hetimor për ‘McGonigal’?



×

Lajmi i fundit

Gjithë jetën një kampione, Klodiana Shala: Si e përjetova lajmin e mjekëve për të braktisur sportin në kulmin e karrierës

Gjithë jetën një kampione, Klodiana Shala: Si e përjetova lajmin e mjekëve për të braktisur sportin në kulmin e karrierës