Pas 6 ditësh, ka rënë intensiteti i 'resë' toksike në vendgrumbullimin e mbetjeve në Elbasan. Report TV sjell pamjet me dron nga landfilli, ku edhe pse flakët janë vënë nën kontroll, djegia e mbetjeve ka vijuar prej ditësh për shkak të grumbullit masiv të tyre, duke shkaktuar shqetësim te banorët e zonës. 

Aktualisht në terren janë 22 forca dhe 5 automjete zjarrfikëse që po punojnë për të normalizuar totalisht situatën. Ministria e Mbrojtjes tha se në terren janë edhe një grup ekspertësh për matjen e ndotjes së ajrit.

Banorët e fshatit Bradashesh, që jetojnë pranë vendgrumbullimit, kanë shprehur më herët për Report TV shqetësimin se shëndeti i tyre është i rrezikuar për shkak të ajrit të ndotur. 

Dy ditë më parë, një grup i specializuar nga Co-PLAN dhe Milieukontakt monitoruan situatën në terren dhe vlerësuan ndikimet e zjarrit në cilësinë e ajrit.

Përqendrimet e ndotësve të ajrit të regjistruara vetëm pak orë pas shpërthimit të zjarrit rezultuan mbi normat e pranuara nga BE dhe me pasoja serioze për qytetarët. Siç thonë ekspertët, në mjedis, një ditë pas zjarrit niveli i dioksidit të karbonit (CO₂) ishte rreth 521 – 794 ppm.

Në ajër u gjet gjithashtu një nivel i lartë metani, 3-4 fish më lart se normalja, që sipas ekspertëve përbën rrezik potencial për shpërthime dhe ul nivelin e oksigjenit në nevojshëm për frymëmarrje.

Xh.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera