KOSOVË- Kryetari i Komunës së Deçanit, Bashkim Ramosaj ka ndërprerë ditën e sotme gjendjen emergjente që ishte shpallur prej një jave për shkak të helmimit masiv të mbi 1500 qytetarëve.
Ky vendim u mor në mbledhjen e Shtabit për Menaxhimin e Emergjencave me arsyetimin se gjendja në komunë ka filluar të normalizohet. Në fjalën e tij kryetari Ramosaj ka falenderuar të gjithë ata që kontribuan në menaxhimin e situatës dhe uroi që kjo gjë mos të përsëritej më.
“Të nderuar qytetarë të Komunës së Deçanit, pasi gjendja në komunën tonë ka filluar të normalizohet sot në mbledhjen e Shtabit për Menaxhimin e Emergjencave u mor vendimi për ndërprerjen e Gjendjes Emergjente në Komunën e Deçanit. Falënderues dhe mirënjohës të gjithë atyre që kontribuan që të tejkalohet kjo gjendje. Shpresoj dhe uroj që mos të përballemi me situata të tilla”, ka thënë Ramosaj.
![]()
Ndër të tjera në vendim thuhet se Komuna e Deçanit do të vazhdojë të furnizohet me ujë sipas rekomandimeve të IKSHKP-së. Ndër vendimet më kryesore të IKSHKP-së është që qytetarët duhet të shmangin pirjen e ujit nga çezma dhe të konsumojnë ujë të ambalazhuar.
Vendimi për ndërprerjen e gjendjes së emergjencës
Që prej datës 13 korrik në Komunën e Deçanit u shpall gjendja e jashtëzoknshme pasi 1500 qytetarë rezultuan të helmuar dhe u paraqitën në spital për të marrë ndihmë mjeksore. Helmimi i qytetarëve ka ardhur si pasojë e kosumit të ujit nga burimi i Deçanit pasi sipas analizave të kryera IKSHKP ka dalë në përfundimin se uji nuk është i pijshëm. Referuar analizave, në ujë janë gjetur bakteri disa bakterie jo patogjene, më konkretisht të bakterieve koliforme dhe E.coli. Deri më tani policia e Pejës ka arrestuar në lidhje me këtë ngjarje Përgjegjësin e kamerave të sigurisë tek Gryka e Deçanit pasi është konstatuar se kamerat nuk punon prej dy muajsh dhe Inspektorin e Agjensisë Kosovare të Pyjeve pasi ai ka qenë në krye të detyrës. Të dy personat e arrestuar dyshohet se kanë shpërdoruar detyrën.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)