Një bukë masive dhe një bidon ujë, vetëm kaq mund të blejnë pjesa dërrmuese të punësuarve në vend, me pagën e një ore punë.
Shifrat zyrtare të Institutit të Statistikave tregojnë se 25.3% e punonjësve marrin pagën minimale prej 40 mijë lekë në muaj. Praktikisht paga ditore përllogaritet në 1,818 lekë për 22 ditë punë, ose vetëm 227 lekë një orë punë.
Edhe pse kudo flitet për rritje të pagave, e shtyrë kryesisht prej mungesës së punonjësve, shifrat zyrtare tregojnë të kundërtën. Pas pagës minimale, janë afro 20% e të punësuarve në vend që marrin nga 40 mijë lekë deri në 50 mijë lekë, dhe më pas 9.4% që marrin nga mbi 50 mijë lekë deri në 60 mijë lekë.
Praktikisht 54.7% e të punësuarve në vend, nuk e arrijnë as pagën mesatare prej 75 mijë e 114 lekë, dhe për një orë pune paguhen nga 227 lekë deri në 340 lekë.
Ekspertët thonë se kjo panoramë e pagave nuk paraqet realitetin, pasi rrogat nuk deklarohen, fenomen ky që sipas Erald Pashajt nuk do të zhduket edhe për shumë kohë.
“Pagat në realitet janë rritur, por paguhen në të zezë. Ndërkohë kontributet për sigurimet shoqërore paguhen në bazë të pagës së deklaruar në bankë. Individët po e marrin pagën aq sa kanë rënë dakord gojarisht, ky është një fenomen negativ, dhe besoj do të vazhdojë të jetë edhe për një kohë të gjatë”, shprehet eksperti.
Për të goditur fenomenin e nëndeklarimit të rrogave mjaftojnë analizat e institucioneve, bazuar në databazat e pagave thotë eksperti.
“Kjo është një analizë që institucionet mund ta bëjnë, siç e bëmë edhe ne kur dolën listat e pagave në publik, ku pjesa dërrmuese ishin me rroga minimale. Ne e dimë që kjo nuk është e vërtet, deklarohen paga minimale por në realitet janë paga më të larta”, pohon Pashaj.
Për të luftuar nëndeklarimin, brenda tetorit do të shpaloset një reformë e re e bazuar në teknologji dhe inteligjencë artificiale.
Komente
Lajme të tjera
-
Punëtorët e pastrimit në Kukës marrin pagën me 5 mijë lek minus! Kryetari i bashkisë për Report TV: Bëmë llogaritë gabim!
13 Dhjetor, 09:31
-
Tatimet: 9 mijë biznese rritën pagat! 37 mijë të tjera me risk për nëndeklarim, do përballen me gjoba nëse nuk i deklarojnë deri më 20 nëntor
7 Nëntor, 13:15
-
‘Aksion informalitet në të gjitha fronte’, ministri Malaj te ‘Ekonomia’: Vetëm për sigurimet bizneset kanë 234 mln euro borxh, u marrim asetet
6 Nëntor, 19:17
-
Rama në Podcast: Po hapet një korsi e re për pensionet, do e realizojmë
2 Nëntor, 10:06 -
Ekonomia në rritje, por KE lë ‘detyra’ për qeverinë: Luftoni informalitetin në paga, stop rishikimit të buxhetit me akt normativ, mbroni fondet e BE
31 Tetor, 14:04
-
Projektbuxheti/ Ulja e nëndeklarimit të pagave do të sjellë 150 mln euro shtesë në buxhet në vitin 2025!
29 Tetor, 17:50
-
Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore
28 Tetor, 11:30
-
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Lufta kundër informalitetit, 230 mijë punonjës me pagë minimale! Rama: S'pranojmë më deklarime që s'i besojmë! Mbyllim biznesin nëse s’paguhen sigurimet
23 Tetor, 10:21 -
Mosdeklarimi i pagave, Rama: Bizneset po grabisin pensionistët! Do përballeni me masa administrative e penale
22 Tetor, 11:24 -
Gjykata detyron KLGJ që të paguajë magjistratët nga momenti i diplomimit
17 Tetor, 21:15 -
Nëndeklarimi i pagave godet dhe buxhetin, 4.5 mln euro më pak vetëm në 3 muajt e verës
4 Tetor, 14:57
Bravo Eliza. Ja një shembull. Një pastruese kërkon 5000 lekë të reja në ditë për pastrim të 4 dhomave që jepen me qera. Këtu afër meje një vilë ka vënë tabelë kërkohet pastruese, rroga 60.000 të reja dhe nuk e ka gjetur akoma. Imagjino profesionet e tjera se sa paguhen e sa deklarojnë.
Përgjigju