Mbi 300 figura të njohura të ftuar në Shtëpinë e Bardhë, detaje nga darka Biden-Macron

Mbi 300 figura të njohura të ftuar në Shtëpinë e Bardhë, detaje nga darka Biden-Macron

Pamje nga Darka në Shtëpinë e Bardhë

Darka e parë shtetërore e Shtëpisë së Bardhë e shtruar nga presidenti Joe Biden mblodhi të enjten emra të mëdhenj nga moda, kultura, politika dhe biznesi, të cilët mirëpritën mysafirin, presidentit francez Emmanuel Macron, dhe rikthimin e ngjarjeve të mëdha sociale pas pandemisë.

Pjesë e darkës ishte edhe kryeredaktorja e ”Vogue”, Anna Wintour apo Tim Cook, shefi ekzekutiv i Apple. Biden ftoi gjithashtu liderët republikanë, përfshirë senatoren Susan Collins dhe deputetin Kevin McCarthy, raportojnë mediat e huaja.

Në darkë morën gjithashtu pjesë edhe zonjat e para, Jill Biden dhe Brigitte Macron dhe menuja e darkës përfshinte aragosta dhe djathra amerikane.

Mysafirët e tjerë hynë në Shtëpinë e Bardhë përmes një hyrjeje anësore. I pari që mbërriti ishte Guvernatori i Luizianës, John Bel Edwards, i ndjekur jo shumë kohë më pas nga guvernatori John Carney.

Përpara darkës e cila u vonua, presidenti Biden ngriti një dolli për siç tha historinë që lidh Amerikën dhe Francën, vlerat që i bashkojnë dhe të ardhmen që ato do të krijojmë së bashku.

“Vive la France dhe Zoti e bekoftë Amerikën”, ka thënë Biden.

Gjithashtu edhe Presidenti francez, Macron shfrytëzoi rastin duke bërë një shaka dhe duke ngritur një dolli bashkë me Biden, ku të gjithë të pranishmit qeshën.

"Shpresoj se keni pasur një darkë të mrekullueshme. Këtë mbrëmje nuk jemi thjesht të nderuar dhe të prekur, por ndjejmë rëndësinë e këtij momenti”, tha Macroni.

Këngëtari dhe kompozitori fitues i çmimeve Grammy, Jon Batiste, performoi për dy presidentat dhe për të ftuarit pas përfundimit të darkës.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në Angli janë të sigurt, Armando Broja nuk largohet nga Chelsea

Në Angli janë të sigurt, Armando Broja nuk largohet nga Chelsea