Mbi 300 mijë pula të ngordhura të pagroposura, Bashkia e Durrësit për Report Tv: S'kemi terrenin e duhur! Njoftuam Ministrinë e Bujqësisë

Mbi 320 mijë pula janë ngordhur nuk janë groposur pasi sipas Bashkisë së Durrësit në këtë qytet nuk ka asnjë terren të tillë që të plotësojë kushtet ligjore për groposjen e shpendëve me virus. Pas interesimit të Report Tv, Bashkia e Durrësit bën me dije se për këtë është njoftuat edhe Ministria e Bujqësisë.

"Bashkia e Durrësit i ka kthyer përgjigje Ministrisë së Bujqësisë ku i bën të ditur se nuk kanë asnjë terren të tillë që të plotësojë kushtet ligjore për groposjen e shpendëve me virus.

LEXO EDHE:
Flota e peshkimit në Durrës në krizë ekonomike, kryesindikalisti: Ka burokraci në Ministrinë e Bujqësisë, u dogjën fondet!

Bashkia e Durrësit nuk ka vend depozitim për të bërë groposjen që të plotësojë kushtet e posaçme ligjore. Këto vende duhet të kenë kritere të posaçme, përfshirë një terreni larg qendrave të banuara, pasi bëhet fjalë për virus dhe rrezikohet popullata edhe për shkak të ujërave nëntokësorë.

Pulat duhet të asgjësohen në firma të licencuara për këtë proces, thotë Bashkia, një sugjerim ky që e ka referuar edhe në shkresën dërguar Ministrisë së Bujqësisë, javën e kaluar", thuhet në reagimin për Report Tv.

Lajmi kryesor:

Gripi i shpendëve/ Pulat e ngordhura lihen në mes të fermës për 3 ditë! Ministria e Bujqësisë pas 'ping-pongut' me Bashkinë e Durrësit, i gropos në Shijak! Fillimisht s'pranoi të tregonte vendin

B.K./Shqiptarja.com

TAG:
• pulari
• gripi i shpendëve
• Veze
• aiba
• Durres