POP 5

Lajmet më të lexuara të 5 minutave të fundit

Ekonomi

Mbi 53 mijë fermerë përfituan naftë pa taksa gjatë këtij viti! Denaj: 65 mijë janë mbështetur nga skema kombëtare

Më shumë se 65 mijë fermerë kanë përfituar nga skema kombëtare e mbështetjes këtë vit. 53 mijë kanë marrë naftën pa taksa, ndërkohë që vjet ishin vetëm 34 mijë përfitues. Ministria e Bujqësisë raporton se janë mbi në total për skemën e naftës këtë vit janë dhënë nga buxheti i shtetit 3.1 miliardë lekë.

Mbi 20 mijë fermerë më shumë se vitin e kaluar kanë marrë përgjatë 2023-shit naftën pa taksa. Ministria e Bujqësisë ka njoftuar se këtë të hënë ka nisur shpërndarja e kartave shtesë për 20.645 fermerë për të marrë naftën pa taksa, duke bërë që në total këtë ndihmë ta përfitojnë mbi 53 mijë fermerë në të gjithë vendin.

“Përmbyllim kështu mbështetjen e skemës kombëtare të kësaj mase, me numrin rekord prej 53,169 fermerësh në total, në krahasim me 34 mijë përfitues në vitin 2022. Përfundon sot shpërndarja e mbi 20 600 kartave të cilat mundësojnë disbursimin e 4.5 milion litra nafte për të gjithë aplikuesit në skemën direkte të mbështetjes me naftë në të gjithë Shqipërinë”, thotë ministrja e Bujqësisë Anila Denaj.

Për këtë vit për skemën e naftës janë dhënë nga buxheti i shtetit mbi 3.1 miliardë lekë. Fillimisht u parashikua fondi prej 1.3 miliardë lekë, të cilit ju shtuan edhe 1.8 miliardë lekë me aktin normativ të muajit tetor, ndërsa vjet fondi për këtë skemë ishte 1.95 miliardë lekë.

Ky është viti i tretë që zbatohet kjo skemë, ku fermeri e merr naftën me çmim të çliruar nga akciza, taksa qarkullimit, e karbonit dhe e TVSH-së.  Ndërkohë në total nga e gjithë skema kombëtare e mbështetjes kanë përfituar rreth 65 mijë fermerë.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56