TIRANË - Aktualisht në Agjencinë e Kthimit dhe Kompensimit të pronave janë rreth 8 mijë dosje që priten që të merren nën shqyrtim dhe më pas të kalojnë për kompensim.

Vetë institucioni ka nisur dixhitalizimin e dosjeve si edhe gjetjen e trojeve të lira në mënyrë që të vijojë kompensimi fizik, pasi kompensimi financiar është tejet i vështirë për t’u realizuar, pasi fatura kap shifra që kalojnë edhe vetë buxhetin e shtetit për një vit.

Kësisoj nga ana e qeverisë është parë si zgjidhje vetëm kompensimi fizik për ish-pronarët ku para dy muaj miratoi edhe hartën e vlerës së tokave.

Redaksia Online
(a.h/shqiptarja.com)