Mbi 8 mijë persona janë evakuuar nga spitali në jug të Gazës

Foto nga Gaza

Rreth 8,000 njerëz janë evakuuar dje nga spitali al-Amal në Gazën jugore, duke përfshirë të moshuarit.

“Situata humanitare në Rripin e Gazës është përtej katastrofike. 8,000 njerëz të zhvendosur që ishin strehuar në spitalin tonë të Gjysmëhënës së Kuqe Palestineze në Khan Younis, Al-Amal, u larguan nga spitali të hënën. Janë ende rreth 100 persona të moshuar dhe invalidë që nuk kanë janë larguar nga spitali, 80 pacientë dhe 100 staf dhe vullnetarë. Ata vazhdojnë të jenë brenda”, tha Tommaso Della Longa, zëdhënës i Federatës Ndërkombëtare të Shoqatave të Kryqit të Kuq dhe Gjysmëhënës së Kuqe (IFCR), në një konferencë për shtyp në Gjenevë.

LEXO EDHE:
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës

Rripi i Gazës është nën rrethim dhe i shkatërruar pas katër muajsh lufte midis Izraelit dhe Hamasit palestinez, një konflikt i shkaktuar nga sulmi i paprecedentë i grupit islamik ndaj Izraelit më 7 tetor.

 

Lajmi kryesor:

Lufta/ 563 ushtarë izraelitë janë vrarë që nga fillimi i luftës! Izraeli: Irani ka financuar Hamasin me 150 milionë dollarë

S.S/Shqiptarja.com

TAG:
• SHBA
• Houthi
• lufta ne rripin e gazes