POP 5

Lajmet më të lexuara të 5 minutave të fundit

Kronikë

Mbjellja e kanabisit, në 3 muaj
24 të dënuar, asnjë zyrtar lokal

Dhe pse në fuqi ka një ligj që ngarkon me përgjegjësi ligjore pushtetarët lokalë për drogën e mbjellë në territoret ku ata drejtojnë, me verdiktin e drejtësisë në tre muaj ka të dënuar vetëm 24 trafikantë. (Në foto: Pamje nga Lazarati).
Mbjellja e kanabisit, në 3 muaj<br />24 të dënuar, asnjë zyrtar lokal
TIRANË - Dhe pse në fuqi ka një ligj që ngarkon me përgjegjësi ligjore pushtetarët lokalë për drogën e mbjellë në territoret ku ata drejtojnë, me verdiktin e drejtësisë në tre muaj ka të dënuar vetëm 24 trafikantë.

Këto dënime janë dhënë nga Gjykata e Krimeve të Rënda, ku 5 prej të dënuarve janë trafikantë të huaj e 19 shqiptarë. Guardia di Finanza pak kohë më parë do të deklaronte se në Lazarat prodhimi vjetor i drogës arrinte në vlerën 4.5 miliardë euro, ndërsa uniformat blu vazhdojnë të qëndrojnë jashtë këtij fshati.

NË 3 MUAJ 24 TË DËNUAR, ASNJË PUSHTETAR PËRBALLË DREJTËSISË
Në 3 muaj togat e zeza pranë gjykatës së krimeve të rënda kanë dhënë verdiktin e tyre për 24 trafikant të përfshirë në tregun e drogës , ku 5 prej të dënuarve janë shtetas të huaj, 19 shtetas shqiptar.

Kur operacionet policore dhe tregtia e drogës funksionojnë cdo ditë për llogari të shtetit dhe krimit, fajtorët e kësaj situate deri në këto momente janë 24 trafikantë, ende asnjë pushtetar lokal. 

Paçka se, në fuqi ka një ligj që detyron ata të informojnë policinë për cka ndodh në territorin e tyre, pasi në të kundërt mbajnë përgjegjësi ligjore.

Përballja e agjencive ligjzbatuese shtetërore me narkotrafikun dhe produktin Made in Lazarat vazhdon. Ndërkaq një operacion i cili do të hiqte Shqipërinë nga harta e canabisit duke ndërhyrë në qytezën e drogës dhe vënë përballë drejtësisë personat përgjegjës, ende s’ka një datë kur fillon. 

Pak kohë më parë Guardia di Finanza do të deklaronte se Lazarati me produktin vjetor të canabisit arrinte një qarkullim parash më vlerë 4.5 miliard euro, përafërsisht sa 50% e prodhimit të brendshëm të Shqipërisë.

24 orë më parë Policia e Shtetit do të deklaronte sekuestrimin e 2.5 ton canabis në territorin e saj, ku operacionet e realizuara në Vlorë, Karaburun dhe në periferi të Tiranës do të vinin në pranga dhe 6 shtetas.

E pikërisht këta të arrestuar përballë drejtësisë akuzohen për veprën penale "Trafikimit të narkotikeve", të ngelur në tentativë, një vepër e cila gjykohet pranë Gjykatës së Krimeve të Rënda.

Redaksia Online
(mag/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51