Vdekja e një gruaja 50-vjeçare të mërkurën në Bulqizë, duket se nuk i ka stepur aspak banorët e kësaj zone që të ndërpresin aktivitetin e mbledhjes së kromit. Për shumë prej tyre, stogjet e kromit janë i vetmi burim të ardhurash për të siguruar bukën e përditshme. Këta dy të moshuar, thonë se kjo është e vetmja mënyrë për të përballuar jetesën.
Edhe pse ata e dinë që janë të rrezikuar qoftë nga shembja e gurëve apo rreziqe të tjera, ata çdo ditë në mëngjes i drejtohen këtyre stogjeve, për të mbledhur krom. Më shumë sesa frika për rrezikun që u kanoset, ata shqetësohen për paratë që duhet të sigurojnë për familjet e tyre.
- Kemi mjaft frikë. 50 mijë lekë pension marrim, çfarë të bëjmë. Për ditë dal, bëj nja 4 mijë lekë dhe ua çoj fëmijëve. Djali është vet i 7-ti.
- 5 mijë lekë të vjetra në ditë nxjerrim. Nuk kemi asnjë të ardhur tjetër.
Banorët
Një ditë më parë në stogjet e kromit të zonës D të minierës së Bulqizës, 50- vjeçarja Shpresa Rami u godit nga një mjet, e për pasojë humbi jetën. Ndërkaq, aksidente ka pasur edhe brenda minierës, ku disa minatorë kanë humbur jetën në periudha të ndryshme.
Lajme të tjera
-
Minatori i vrarë dhe familja e tij si në një Aushvic të viteve 2021
21 Shtator 2021, 13:57
