Kryetari i Lëvizjes ‘Vetëvendosje’, Albin Kurti e vlerësoi të rëndësishme mbledhjen e qeverisë shqiptare me atë kosovare në Pejë, megjithatë, ai u shpreh se uron që marrëveshjet e arritura të mos ngelin vetëm në letër.
Në një deklaratë për “Kosova Post”, Kurti tha se në rast se marrëveshjet nuk finalizohen, mbledhja e dy qeverive do t’i ngjajë më shumë dy ekipeve të futbollit që e përfunduan takimin e tyre si një ndeshje miqësore.
"Të jesh shqiptar është përgjegjësi, por kjo përgjegjësi është politike e publike, është konkrete dhe do të duhej të dëshmohet më së shumti e më së pari prej atyre që i kanë mundësitë më të mëdha, e këta janë qeveritarët. Pra, shumë mirë që e bënë shqiponjën, por nëse nuk shkohet përtej kësaj kjo më shumë i ngjan dy ekipeve të futbollit që e përfunduan një ndeshje miqësore, sesa që ndanë detyrat të cilat do të na i zbatojnë shpejtë e mirë", komentoi Kurti.
Mes të tjerash, kryetari i Lëvizjes ‘Vetëvendosje’ shtoi se ende nuk ka arritur të njihet me marrëveshjet e dakordimit dhe nuk ngurroi të komentonte se përgjithësisht mbledhjet e ceremonitë e këtij lloji gjithnjë shoqërohen nga parada dhe sfilata.
“Unë uroj që pas kësaj mbledhje të mos jetë si herët e tjera, ku konsumi mediatik përfundon shpejt e shpejt dhe më pastaj shqiptarët në të dy anët e kufirit e vazhdojnë jetën e tyre edhe me papunësi e varfëri, por edhe jo më shumë të bashkuar siç do të dëshironin ata të ishin”, tha më tej ai.
Shqipëria dhe Kosova zhvilluan ditën e djeshme mbledhjen e pestë të qeverive në qytetin e Pejës. Kryeministri Edi Rama gjatë mbledhjes së përbashkët foli mbi vendimin e Kosovës për vendosjen e tarifave 100% ndaj çdo produkti serb që hyn doganë, duke e cilësuar si një vendim 100% politik dhe si reagim ndaj goditjeve të njëpasnjëshme që Serbia i ka dhënë deri më tani Kosovës. Nga ana tjetër, Rama theksoi se nga 1 janari Shqipëria dhe Kosova do të zerojnë tarifat me njëra-tjetrën, duke unifikuar doganat.
Shqipëria dhe Kosova firmosën konkretisht nëntë marrëveshje me interes të ndërsjellë, përfshirë unifikimin doganor, heqjen e tarifave roaming apo edhe njohjen e patentave nga të dy vendet.
Lajme të tjera
-
Kimete Berisha: E vetmuar, si dhelpra!
21 Nëntor, 21:31
-
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
-
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42 -
Kurti pret vendim të drejtë për gjuhën shqipe në RMV! Mickoski: Tensionet etnike vijnë nga politikanë pa ide, nuk e ndikojmë kushtetuesen
18 Nëntor, 19:47
-
Albin Kurti: Gjuha shqipe s’është zyrtare në RMV! BDI i tregon kushtetutën
18 Nëntor, 16:19 -
Kurti: Kosova do të aplikojë për marrjen e statusit vend-anëtar me të drejta të plota në APF
12 Nëntor, 19:47 -
Kosovë, Kurti për Marrëveshjen e Uashingtonit: Së pari ajo e Brukselit
12 Nëntor, 08:04 -
Kurti flet për fitoren e Donald Trump: Ne punojmë me çdo administratë të SHBA-ve
11 Nëntor, 21:41 -
Kurti për marrëveshjen e Uashingtonit: Së pari ajo e Brukselit
11 Nëntor, 15:30
