TIRANË- Në fund të misionit të tij, si ambasador BE-së Soreca u bëri thirrje palëve politike në vendin tonë të gjejnë gjuhën për bashkëpunim, për sfidat e Shqipërisë në lidhje me negociatat.
“Duhet të gjejnë bashkëpunim politik, për atë që është përparësia, që është integrimi, debate politik duhet të jetë pikërisht këtu, do të sjellim eksperte në Shqipëri për të përgatitur ekipin shqiptar, largimi im nuk do të ndryshoj asgjë nga angazhimi i plotë i delegacionit”, tha Soreca.
Për ministren e jashtme, Olta Xhaçka, Ballkani Perëndimor është më i rrezikuar nga makinacioanet e Putin.
” Kriza në Ukrainë, e logjikshme që BE të përshpejtonte procesin për të stabilizuar rajonin. Sot, shohim një BE që ende s’ka ndryshuar gjë në terma konkretë. Ukraina, burim shpërqendrimi e arsye për të shtyrë vendimmarrjet për integrimin e Ballkanit Perëndimor”, tha Xhaçka.
Për kreun e grupit parlamentar të PS-së, Taulant Ballën Balla, BE është e vonuar në vendimmarrjen e saj, sipas tij, sot ajo duhet të dilte me një datë fikse për konferencën e parë ndërqeveritare për çeljen e negociatave.
Pas një falenderimi, kryetarja e Këshillit, Jorida Tabaku me batutë tha se do t’i mungojnë debatet me ambasadorin Soreca për atë që bën qeveria.
“Falënderoj komisionin për mbështetjen financiare që ka dhënë për Shqipërinë, edhe atëherë kur nuk I kemi plotësuar kriteret! Unë shpresoj që standardin e vendosur nga z. Soreca ta vazhdojë edhe pasardhësi i tij”, tha Tabaku.
Menjëherë pas saj e mori fjalën Balla i cili po me batutë ‘akuzoi’ Tabakun se ia ka nxirë jetën ambasadorit.
“Shpresoj që të mos ia nxini më jetën ambasadorit tjetër si ia paske bërë Luigit, debatet t’i bëjmë në shqip. E vërteta është që një mik shumë i mirë si Luigi Soreca po ikën në një moment pas progres raportit më të mirë që Shqipëria ka marrë ndonjëherë”, tha Balla.
Ministrja e Jashtme Olta Xhaçka ishte e pranishme në tryezën e rrumbullakët mbi sfidat e integrimit në Bashkimin e Europian. Ministrja Xhaçka falenderoi ambasadorin e BE-së, Luigi Soreca, duke e cilësuar si një mik të mirë që ka ndihmuar dhe ka mbështetur Shqipërinë. Nga ana tjetër ministrja tha se pavarësisht krizave, Shqipëria ka vazhduar punën me integrimin dhe se është gatshme për antarësim në BE. Sipas Xhaçkës, Ballkani Perëndimor është ndoshta rajoni më i dytë më i rrezikuar nga makinacionet e Putin.
'Konferenca e parë Ndërqeveritare, konsensusi tregon se kemi plotësuar çdo kusht. KE e ka theksuar këtë fakt plot 3 herë në 24 muajt e fundit. Bashkëpunimi rajonal, reflekton pjekurinë e shoqërive dhe klasave tona politike. Kemi ende shumë punë, për të ndërtuar Evropën në Shqipëri. Pavarësisht krizave të fundit, Shqipëria e ka vazhduar punën për integrimin. Shqipëria është gati për anëtarësim. Prisja që lufta në Ukrainë, do ta shtynte BE drejt hapave konkrete për integrimin e Ballkanit Perëndimor. Ballkani Perëndimor, ndoshta rajoni i dytë më i rrezikuar nga makinacionet e Putin. Kriza në Ukrainë, e logjikshme që BE të përshpejtonte procesin për të stabilizuar rajonin. Sot, shohim një BE që ende s’ka ndryshuar gjë në terma konkretë. Ukraina, burim shpërqendrimi e arsye për të shtyrë vendimmarrjet për integrimin e Ballkanit Perëndimor. Teksa BE mendohet, ne do të vijojmë punën për evropianizimin e vendit. Vijojmë punën për thellimin e bashkëpunimit rajonal. Vijojmë punën në Këshillin e Sigurimit, për të avancuar diplomatikisht agjendën e përbashkët të prioriteteve.'- tha Xhaçka.
Ambasadori i Bashkimit Europian, Luigi Soreca, në fjalimin e tij të fundit, bëri thirrje për bashkim të palëve politike në Shqipëri që të bashkohen, teksa shtoi se largimi I tij nuk ndryshon asgjë në rrugën e Shqipëri në BE.
“Duhet të gjejnë bashkëpunim politik, për atë që është përparësia, që është integrimi, debate politik duhet të jetë pikërisht këtu, do të sjellim eksperte në Shqipëri për të përgatitur ekipin shqiptar, largimi im nuk do të ndryshoj asgjë nga angazhimi i plotë i delegacionit, kam udhëtuar në të gjithë Shqipërinë, kam bërë mijëra kilometra, mund të jem personi që ka udhëtuar më shumë në Shqipëri, dhe gjithandej e kam kuptuar që njerëzit e kanë kuptuar që wshtw prioritet është integrimi në BE, koha për dasmë ka ardhur tashmë, unazat janë bërë gati, vendet anëtare e dinë se çfarë duan, duan që të çelen negociatat për anëtarësim. Do të kthehem në Shqipëri ndoshta me një detyrë tjetër, po do kthehem si një qytetar i thjeshtë, thjesht si Luigi Soreca”, tha Soreca.
Lajme të tjera
-
Abuzime me fondet e BE/ Drejtoresha e SASPAC: Po bëjmë audit, partnerët do njihen me analizën! PS: Flet drejtësia! PD: E turpshme
26 Nëntor, 16:30
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Tabaku takohet me kryeparlamentaren e Çekisë: Mbështetje Shqipërisë për Integrimin Europian, luftë kundër ndikimeve të huaja, përfshi ato ruse
25 Nëntor, 14:50 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Parlament/ Tabaku: Ky është buxheti i fundit i socialistëve, 95% e shqiptarëve janë varfëruar! Buxhet diskriminues veri-jug, PD prezanton javën tjetër 19 amendamente
19 Nëntor, 20:25 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
Projekt-buxheti 2025/ Tabaku në Report Tv: Nuk adreson zgjidhje për pensionet! Kemi propozim për minimumin jetik! Takimet e Ramës me pensionistët, justifikime
15 Nëntor, 14:13 -
Komisioni Ekonomisë ‘pro’ pr/buxhetit 2025! PD voton kundër! Tabaku: Nuk parashikohen fondet për pensionet! Braçe: Të rritet buxheti për sigurinë kibernetike
15 Nëntor, 11:36
-
Tabaku kritikon buxhetin për Shëndetësinë: Premtuat shëndetësi falas, por qytetarët paguajnë nga xhepi 48% të shpenzimeve! Ku përfundojnë taksat e shqiptarëve?
12 Nëntor, 16:53 -
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22
