POP 5

Lajmet më të lexuara të 5 minutave të fundit

Media

Mbledhja shtyhet me mbi 1 orë 
gazetarët braktisin Komisionin

Shtyrja për të disatën herë e komisionit parlamentar të Ligjeve me një vonesë prej më shumë se një orë e gjysmë, ka bërë që gazetarët e televizioneve e gazetave që ndjekin zhvillimet në Kuvend të braktisin mbledhjen.
Mbledhja shtyhet me mbi 1 orë <br />gazetarët braktisin Komisionin
TIRANE - Shtyrja për të disatën herë e komisionit parlamentar të Ligjeve me një vonesë prej më shumë se një orë e gjysmë, ka bërë që gazetarët e televizioneve e gazetave që ndjekin zhvillimet në Kuvend të braktisin mbledhjen.
 
Gazetarët dhe kameramanët që kishin zënë vendet në sallën ku në orën 10:00 pritej të niste mbledhje e Komisionit të Ligjeve, janë njoftuar për shtyrjen e mbledhjes për të disatë herë, vonesë e cila i ka bërë të marrin një vendim unanim: braktisjen.
 
Sipas gazetarëve, ky nuk është rasti i parë që Komisioni parlamentar i Ligjeve i nis mbledhjet e ditës me vonesa mbi 30 minuta, por shtyrja e sotme kaloi limitet.
 
Ndërsa është vetë Kuvendi i cili nuk respekton oraret, një rast i paprecedentë u shënua 1 javë më parë kur kreu i Komisionit të Ekonomisë Erjon Braçe nuk pranoi në mbledhje gazetarin e Top-Channel Klodian Tomorri për shkak të një vonese, edhe pse në fakt, mbledhja e komisionit kishte nisur vetë me 4 minuta vonesë.

Komisioni pritej të niste këtë paradite në orën 10:00 dhe kishte të parashikuar në rend të ditës 4 pika kryesore:
1- Projektligji “Për ratifikimin e ndryshimit nr. 4 të marrëveshjes së ndihmës për objektiva zhvillimi ndërmjet Këshillit të Ministrave të Republikës së Shqipërisë dhe Qeverisë së Shteteve të Bashkuara të Amerikës për forcimin e shtetit të së drejtës dhe qeverisjen e mirë dhe krijimin e kushteve për një rritje ekonomike me bazë të gjerë dhe të qëndrueshme”.
2- Projektligjin “Për kthimin dhe kompensimin e pronës”, të ndryshuar, 
3- Projektligji “Për një shtesë në ligjin nr. 22/2014 “Për dhënie amnistie”,
4- Projektligj  “Për lojërat e fatit në Republikën e Shqipërisë”.

Redaksia Online
(Gre.M/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Burri i Kamala Harris: Nesër dua t’i them zemër je presidentja e Shteteve të Bashkuara

Burri i Kamala Harris: Nesër dua t’i them zemër je presidentja e Shteteve të Bashkuara

5 Nëntor, 21:43