Massimiliano Allegri nuk është më trajner i Juventusit në Serie A. Dy ditë pas fitores së Kupës së Italisë ndaj Atalantës, klubi i Juventusit zgjodhi t'i japë fund marrëdhënies me trajnerin toskan. Vendimi vjen pas një takimi që filloi pasditen e së premtes në selinë e "Zonjës së Vjetër" dhe ku përfshiu ish-trajnerin, Giuntolin dhe drejtuesit e lartë të klubit. Dy javë para përfundimit të kampionatit, përfundon epoka e dytë e Allegrit në krye të Juventusit, e cila filloi në maj 2021 me vullnetin e ish-presidentit, Andrea Agnelli.
"Juventus njofton se ka liruar Massimiliano Allegrin nga detyra e trajnerit të ekipit të parë të meshkujve. Shkarkimi vjen pas disa sjelljeve gjatë dhe pas finales së Kupës së Italisë, të cilat klubi i cilësoi të papajtueshme me vlerat e Juventusit dhe me sjelljen që duhet të kenë ata që e përfaqësojnë klubin", thuhet ndër të tjera në deklaratën e klubit bardhezi.
Në dy ndeshjet e fundit të sezonit kundër Bolognas dhe Monzës në stol do ulet ish-mbrojtësi bardhezi, Paolo Montero. Siç nënvizohet edhe nga vetë Juventusi në deklaratën më sipër, rol në vendim kanë luajtur qëndrimet e Allegrit në fund dhe pas ndeshjes Atalanta 0-1 Juventus; fillimisht shpërthimi dhe përjashtimi me karton të kuq nga arbitri Maresca, më pas dëmtimi i aparatit të agjencisë së shtypit LaPresse dhe në fund kërcënimi ndaj drejtorit të Tuttosport, Guido Vaciago.
“Mbaron një periudhë bashkëpunimi, e cila filloi në vitin 2014, rifilloi në vitin 2021 dhe përfundoi pas 3 sezoneve të fundit së bashku me finalen e Kupës së Italisë të fituar. Kompania i uron Massimiliano Allegrit suksese në projektet e tij të ardhshme”, thuhet në njoftimin e klubit.
Allegri fitoi gjithsej 12 trofe te Juventusi, 5 tituj të Serie A, 2 Superkupa të Italisë dhe 5 Kupa të Italisë si edhe dy finale të humbura në Champions League. Thiago Motta, trajneri i Bolognas është në "top" për të qenë drejtuesi i stolit të Juves për sezonin e ri.
Në pritje të Thiago Motta-s, ardhja e të cilit në qershor është thuajse e sigurt te Juventusi, Paolo Montero do të jetë trajneri kujdestar në dy javët e fundit të kampionatit të Serie A. Ai do drejtojë "Zonjën" në përballjen kundër Bolognas dhe Monzas.
Ish-mbrojtësi bardhezi, tashmë trajner i Juventus U-19 do të mbarojë pezullimin e vendosur nga gjyqtari sportiv me të rinjtë dhe më pas do të drejtojë ekipin e parë duke filluar nga e hëna në mbrëmje në Dall' Ara.
Montero ka qenë pjesë e Juves nga 1996 deri në 2005 dhe është i njohur për grintën në fushë dhe ndërhyrjet e ashpra.
Komente
Lajme të tjera
-
Juventusi në garë, Cristian Shpendi në Torino për 4 milionë euro
26 Dhjetor, 14:41 -
'Kanë falimentuar', përplasje drejtuesish në Milano! Marotta: Harron që kemi dy yje
24 Dhjetor, 15:19 -
Alen Sherri merr vendin mes shtyllave, Cagliari nxjerr në shitje portierin
24 Dhjetor, 12:24 -
GOLAT/ Interi fiton 2-0 ndaj Comos dhe ndjek kryesuesit, Udinese tri pikë me përmbysje në Firenze
24 Dhjetor, 08:57 -
Zyrtare/ Humbja me Juventusin, Monza shkarkon Alessandro Nestën
23 Dhjetor, 15:47 -
Ardian Ismajli refuzon rinovimin, Napoli e merr në janar! Empoli gjen zëvendësuesin
23 Dhjetor, 12:38 -
Interi në emergjencë totale, Simone Inzaghi: Nuk kam katër mbrojtës
23 Dhjetor, 10:14 -
GOLAT/ Atalanta përmbys 3-2 Empolin dhe merr kreun e Serie A! Dybala magjik, Roma i shënon pesë herë Parmës! Juventusi rikthehet të fitojë
22 Dhjetor, 16:12 -
Elseid Hysaj larg Lazios, Arabia Saudite ‘i shton zerot’ në llogari
21 Dhjetor, 19:20 -
GOLAT/ Napoli fiton në Genoa dhe merr kreun e Serie A! Torino s'i bën ballë Bolognas, frikë për mbrojtësin polak! Tri pikë për Lazion
21 Dhjetor, 17:23 -
Interi refuzon 25 milionë euro për Kristjan Asllanin
20 Dhjetor, 16:03 -
Juventusi pas Tonalit, Newcastle reziston! Shifrat dhe skenari i marrëveshjes
20 Dhjetor, 15:49
