TIRANË- Për mazhorancën socialiste fundi i kaosit nga deputetët e Rithemelimit nuk është produkt i asnjë marrëveshjeje mes palëve, por vetëm rikthim i opozitës nga rruga ku ishte në normalitetin e Kuvendit. Në mbledhjen e grupit parlamentar këtë të hënë, Bledi Çuçi i komunikoi ligjvënësve socialistë dakordësinë e arritur me rithemelimin gjatë javës së kaluar, duke u kujdesur të sqarojë se nuk bëhet fjalë për asnjë marrëveshje, negociatë apo aq me tepër pazar me Sali Berishën “Non Grata”.
"S'ka asnjë nënkomision apo strukturë tjetër, thjesht në Komisionin e Ligjeve do të krijohet një mekanizëm dialogu për ligjet me 3/5 dhe ato që kanë lidhje me çështjet e integrimit evropian. Opozita u rikthye andej nga kishte ikur. Ramë dakord të ndryshojmë objektet e komisioneve hetimore në Konferencën e Kryetarëve", tha Çuçi.
Më indiferent nga çfarë ndodh me opozitën ishte kryeministri Edi Rama, i cili 30 minutat që iu bashkua mbledhjes së grupit, i shfrytëzoi për t’i lënë porosi deputetëve për më shumë angazhim angazhim në terren, rrjetet sociale si dhe në procesin e rijetëzimit të Partisë Socialiste.
Zhvillimet në kuvend me rikthimin e opozitës u diskutuan në një tryezë më të ngushtë, në takimin që fill pas mbledhjes së grupit, Kryeministri zhvilloi me kryeparlamentaren Lindita Nikolla dhe ministrin e Drejtësisë Ulsi Manja.
Peng i konsensusit në parlament, për shkak të kaosit mbeti edhe amnistia penale, që me rikthimin në normalitet të rithemelimit pritet të marrë dritën jeshile në parlament javën e ardhshme. Socialistët janë tërhequr edhe nga amendamenti që do të ulte me një vit ose një vit e gjysmë burgimin e të dënuarve për korrupsion nga Gjykata e Posaçme, pikë e cila u kundërshtua me forcë nga opozita.
Kryeministri Edi Rama ishte i pranishëm në mbledhjen e Grupit të PS, që u zhvillua sot në Kryesinë e Kuvendit.
Në këto foto shihni momentin kur kryesocialisti, po largohet nga mbledhja, por ministri i drejtësisë ‘i ndërpret rrugën’.
Ata shihen teksa diskutojnë bashkë në përfundim të mbledhjes së grupit.
Kryeministri Edi Rama dhe kreu i Grupit Parlamentar të Partisë Socialiste, Bledi Çuçi, mblodhën sot deputetët e PS për të diskutuar axhendën e javës së re në Kuvend.
Kreu i grupit, Bledi Çuçi, informoi ndërkohë deputetët për rikthimin e Parlamentit në normalitet duke theksuar se s'ka asnjë marrëveshje e as do të krijohet ndonjë nënkomision ose strukturë e posaçme.
"S'ka asnjë nënkomision apo strukturë tjetër, thjesht në Komisionin e Ligjeve do të krijohet një mekanizëm dialogu për ligjet me 3/5 dhe ato që kanë lidhje me çështjet e integrimit europian. Opozita u rikthye andej nga kishte ikur. Ramë dakord të ndryshojmë objektet e komisioneve hetimore në Konferencën e Kryetarëve", u shpreh Çuçi.
Lajme të tjera
-
Skënder Minxhozi: Kur humbesh pas detajeve e harron pyllin
4 Nëntor, 20:53
-
'Vorio-Epiri injorancë anti-shqiptare', Ngjela në 'Studio Live': Rama shkoi në Selanik t'u tregojë se jemi të fortë
4 Nëntor, 20:06 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40 -
Spartak Ngjela: Edi Rama kaloi në një stad patriotik, të cilin nuk e ka pasur deri tani
4 Nëntor, 11:46
-
Dritan Hila: Pse Rama gjuan në portën pa portier
4 Nëntor, 11:09
-
Rama ndan video nga takimi me shqiptarët në Selanik: Frymëzim kuqezi
4 Nëntor, 08:50 -
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44 -
Rama i quajti forcat e reja politike nga Selaniku si ‘maska e Sudes’, Kulluri: Të trajnohet si ‘roje arash koperative’, ja fshinë dardhat shokët e s’mbeti gjë për njerëzit
3 Nëntor, 14:51 -
Spahiu: Rama, kryeministri i parë në 80 vite që tubohet me diasporën në çdo qytet të BE dhe SHBA! E turpshme që opozita mbajti krahun e Greqisë dhe jo gazetarëve shqiptarë
3 Nëntor, 12:36
