Në një komunikatë të lëshuar nga kabineti i Presidentit Stevo Pendarvoski thuhet se përfaqësuesit e institucioneve përkatëse informuan lidhur me çështjet aktuale të sigurisë lidhur me vendin dhe rajonin më të gjerë, përfshirë agresionin rus ndaj Ukrainës, ngjarjet në Lindjen e Mesme dhe gjendjen në veriun e Kosovës. Është vlerësuar se gjendja e sigurisë në Maqedoninë e Veriut është e qëndrueshme dhe se nuk ka shenja që tregojnë për një rrezikim të mundshëm të saj.
Në Këshillin e drejtuar nga presidenti i vendit Stevo Pendarovski bëjnë pjesë edhe drejtuesit më të lartë shtetërorë, Kryetari i Parlamentit, Kryeministri, ministrat e Mbrojtjes, të Punëve të Brendshme dhe të Jashtme si dhe tre ekspertë të emëruar nga presidenti. Në këtë takim, zoti Pendarovski kishte ftuar edhe drejtorët e Agjencisë për Sigurinë Kombëtare dhe të Agjencisë për Kundërzbulimin.
Kabineti i zotit Pendarovski thekson vlerësimin e Këshillit se vendi duke qenë anëtar i NATO-s “është në koordinim të rregullt me Aleancën dhe vendet aleate sa i takon veprimeve që ndërmerren për forcimin e sigurisë në hapësirat euroatlantike”.
Këshilli ka konstatuar nevojën për vazhdimin e ndjekjes së zhvillimeve nga institucionet përkatëse dhe që ato të përgatisin skenarë të mundshëm në përputhje me zhvillimin e ngjarjeve, me qëllim marrjen në kohë të masave dhe veprimeve në kuadër të kompetencave që kanë.
Ndërkohë, ekspertët e çështjeve të sigurisë në Shkup mendojnë se sidoqoftë ekziston rreziku nga kërcënimet edhe në Maqedoninë e Veriut dhe se pas shpërthimit të luftimeve në Lindjen e Mesme midis Izraelit dhe Hamasit, shkalla e rrezikut të sigurisë nga niveli i ulët tani është ngritur në atë mesatar. Zllatko Apostolloski, bashkërendues kombëtar për parandalimin e ekstremizmit të dhunshëm dhe luftën kundër terrorizmit tha gjatë një tribune se është ngritur niveli i veprimtarive të shërbimeve të sigurisë në vend.
“Ekzsitojnë rreziqe dhe mund të shfaqen veprime të papritura, por në kushtet e Maqedonisë kjo dukuri tani për tani është vetëm në rrjetet sociale”, tha eksperti.
Auoritetet në Shkup bashkëpunojnë me vendet e rajonit për shkëmbimin e njoftimeve lidhur me ekstremistët dhe veprimet e tyre.
Shqetësimi i njohësve të rrethanave të sigurisë vjen nga fakti që dhjetëra shtetas të këtij vendi kishin qenë pjesë e ISIS-it dhe një pjesë e tyre, edhe pasi ishin kthyer dhe dënuar, kishin vazhduar në burg të përhapin propagandën dhe ideologjinë ekstremiste në radhët e të burgosurve të tjerë./VOA
Lajme të tjera
-
Shaban Murati: Çfarë populli jemi?
12 Dhjetor, 16:07
-
Çfarë duhet të dini për Ligjin e Gjuhëve në Maqedoninë e Veriut: Çfarë kontestohet, nga kush dhe pse është shqipja në rrezik?
12 Dhjetor, 11:33 -
Elezi në Report TV: Rusia qëllime për destabilitet nëpërmjet Serbisë! Vendimi për shtyrje i Kushtetueses në Maqedoni për Gjuhën Shqipe, i duhuri
11 Dhjetor, 19:56 -
Kërkohet t'i hiqet statusi i veçantë gjuhës shqipe në Maqedoninë e Veriut, ish-ambasadori: E rrezikshme! Të respektohet 'Marrëveshja e Ohrit'! Shqiptarët faktor stabiliteti
11 Dhjetor, 14:04 -
Shkup, shtyhet seanca në Kushtetuese ku kërkohet t'i hiqet statusi i veçantë gjuhës shqipe! Dy gjyqtarët shqiptarë bojkotuan! Do thirren ekspertët dhe partitë
11 Dhjetor, 11:56 -
Qindra njerëz protestojnë kundër ndotjes së ajrit në Shkup
10 Dhjetor, 22:35 -
Ambasadorja amerikane paralajmëron sërish zgjerimin e listës së zezë në Maqedoninë e Veriut
10 Dhjetor, 15:55 -
SHBA e shpalli ‘non grata’, reagon Artan Grubi: Jetën publike ia kam kushtuar vlerave perëndimore dhe vendit, angazhim për ta zbardhur çështjen
9 Dhjetor, 22:11 -
Ish-zëvendëskryeministri i Maqedonisë së Veriut, Artan Grubi, shpallet 'Non Grata" nga SHBA
9 Dhjetor, 20:52 -
Maqedoni e Veriut/ Gjykata Kushtetuese do të shqyrtojë Ligjin për gjuhët më 11 dhjetor
6 Dhjetor, 17:52 -
Sfida e ‘superman’ në Tik Tok iu rrezikon jetën, 11 gjimnazistë në spital në Maqedoninë e Veriut
6 Dhjetor, 08:00 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20
