TIRANË - Pas mbledhjes informale dje në Durrës, është mbledhur në kryeqytet mbrëmjen e sotme kryesia e Partisë Socialiste.
 
Sipas burimeve të "A1 Report” gjatë takimit që ka zgjatur rreth 1 orë janë propozuar emrat e krerëve të komisioneve parlamentare.
 
Si kryetar i Komisionit të Ligjeve, mendohet se është propozuar Fatmir Xhafaj.

Ndërsa, si kryetar i Komisionit të Ekonomisë është propozuar Erjon Braçe, duke zëvendësuar Edmond Spahon, i cili tashmë mban postin e nën kryetarit të Kuvendit të Shqipërisë.

Sparatak Braho propozohet si kryetar i Komisionit të Sigurisë, duke zëvendësuar Leonard Demin.

Arta Dade propozohet të drejtojë Komisionin e Jashtëm, ndërsa Eduard Shalsi, Komisionin e Veprimtarisë Prodhuese.

Si nënkryetar i parlamentit mësohet se është propozuar Vangjel Dule, kryetar i PBDNJ.

Ndërkaq, sipas burimeve për “A1 Report!”, gjatë mbledhjes së sotme të kryesisë së PS është diskutuar edhe për përfundimin e mandatit të kryesocialistit Edi Rama në 26 shtator të këtij viti.

Ndërsa zgjedhjet e ardhshme për kreun e Partisë Socialiste pritet të mbahen në fund të vjeshtës.

Redaksia Online
(e.s/mag/shqiptarja.com)