TIRANË- Pas më shumë se dy vitesh ngërç, puna e komisionit të Reformës Zgjedhore ka rinisur. Bllokimi me zhurmues dhe zaptimi i karrigeve nga deputetët e Berishës dhe grupit të Bardhit e bëri të pamundur zhvillimin e mbledhjes fizikisht, ku nuk ishin paraqitur përfaqësuesit e PD.
Kjo detyroi thirrjen online të komisionit, që në mbledhjen 20 minutëshe miratoi planin e punës dhe programin. Deri në fund të marsit do të adresohen të gjitha çështjet për të dalë me një draft konkret.
Në mbledhje morën pjesë nga opozita Enkelejd Alibeaj dhe deputeti Çollaku si anëtarë të përhershëm, ndërsa mungesën e deputetëve të grupimeve të tjera PD e kishte zgjidhur me deputetet Bane dhe Jakupllari si anëtare zëvendësuese
“Të gjitha rrymat janë të përfaqësuara. Nuk mund të paragjykojmë. Të na mundësojnë mbledhjen fizikisht ose të na bashkohen edhe online”, tha Gjiknuri.
“Mbledhjet duhet të zhvillohen në mënyrë fizike. Konsultim i gjerë i të gjitha partive dhe rrymave, gjithëpërfshirëse”, tha Alibeaj.
Pasi bllokuan punën fizikisht edhe pse pa Nokën dhe Bardhin të përjashtuar, që këtë herë nuk u përpoqën të hynin me forcë, Rithemelimi e quan teatër të gjithë atë që po ndodh te zgjedhorja.
“E patë edhe sot një tjetër teatër të pështirë të përfaqësuesve të mazhorancës. Edhes sot u bojkotua mbledhja. E patë nënqeshjen e përfaqësuesve të mazhorancës. Thanë qartë se do të përpiqen të bëjnë votat për t’i bërë zgjedhjet kushtetuese”, tha Salianji.
Për mazhorancën situata është absurde.
“Po në qoftë se ata nuk vijnë ç’të bëjmë ne?”, tha Gjiknuri.
Bashkëkryetari Gjiknuri tha për Partinë Socialiste gjithkush është i mirëpritur dhe garantoi se veto s’do të ketë.
“Nuk e zgjidh dot këtë çështje, e vetmja mënyrë që ta zgjidhim këtë çështje është që t’i trajtoj ata të gjithë njësoj. Pra për mua janë të gjithë bashkëkryetarë. Unë heq dorë nga vetoja”, vijoi Gjiknuri.
Kujtojmë se mbledhja u bllokua edhe të premten e kaluar nga deputetët e Rithemelimit. Grupi Bardhi-Berisha kërkon ndryshimin e përbërjes së komisionit, ku në vend të Alibeajt kërkojnë të vendosin bashkëkryetar Oerd Bylykbashin e Rithemelimit. PD u shtriu dje dorën e bashkëpunimit që të ulen në diskutime dhe të dalin me një draft, ndërsa grupi Bardhi-Berisha i dërgoi dje letër Kuvendit dhe për dijeni ambasadorëve të QUINT-it, që të ndryshohet përbërja e Komisionit të Posaçëm për Reformën Zgjedhore.
Foto e publikuar nga Dash Sula
Deputeti i opozitës, Dashnor Sula, njëhërësh anëtar i Komisionit të Reformës Zgjedhore ka akuzuar maxhorancën dhe demokratët e Lulzim Bashës se kanë zhvilluar një mbledhje ilegale, pas takimit online.
Sula thekson se 7 deputetë të grupimit Basha, kanë 4 anëtarë dhe bashkëkryetarin në Komisionin e Reformës Zgjedhore, ndërkohë që 47 deputetët e tjerë kanë vetëm një anëtarë.
“Vetëm përfaqësuesit e mazhorancës në Komisionin ilegal të Reformës Zgjedhore u mblodhën nga WC e vilës së Surrelit të Edi Ramës dhe bënë muhabet me njëri-tjetrin. Asnjë produkt, asnjë punë, asnjë mbledhje në 22 muaj. E mbajtën dhe vazhdojnë ta mbajnë të bllokuar Reformën Zgjedhore, duke vazhduar me njëanshmëri dhe pa opozitën!
Ripërsëritën të njëjtën gjë që bënë edhe 2 vite më parë në mbledhjen inaguruese të Qershorit 2022, me strategjinë e qartë për të vazhduar ta mbajnë të bllokuar reformën që duhet të ketë prioritet: eliminimin e shitblerjes së votës, shpërdorimit të burimeve shtetërore, lirinë e votës, administrimin korrekt të zgjedhjeve, rekomandimet e OSBE-ODIHR dhe Komisionit të Venecias, apo reflektimin e vendimeve të Gjykatës Kushtetutese për diasporën.
Mjafton foto më poshtë për të kuptuar sesa e drejtë është kërkesa e 90 % të deputetëve të opozitës (47 nga 55 deputetët e opozitës) për të caktuar ata vetë përfaqësuesit e vet. 1 bashkëkryetar i 4 anëtarëve që përfaqësojnë vetëm 7 deputetë të Kuvendit të Shqipërisë, provon edhe njëherë se të vetmen mënyrë të realizimit të Reformës Zgjedhore që njeh Edi Rama është përmes emërimit të opozitës. Skenari i “kërpëratës 2020” do të dështojë”, shkruan Sula.
Bashkëkryetari i PS në Komisionin e Reformës Zgjedhore, Damian Gjiknuri ka dhënë një konferencë për mediat pas mbledhjes që u mbajt online. Gjiknuri i bëri thirrje grupit të deputetëve Berisha-Bardhi të mos pengojnë zhvillimin e mbledhjeve fizikisht, duke thënë se nuk e kupton përse bllokojnë diçka që është në interes të vetë opozitës.
“Synimi ynë është të çojmë punën përpara. Jeni dëshmitare që një pjesë e opozitës me veprime vandale e ka bërë të pamundur mbledhjen fizike të komisionit. Komisioni është gjithëpërfshirës, është ngritur nën frymën e përfaqësimit të rrymave politike që janë në Kuvend. Asnjë zë aty nuk është i pa përfaqësuar. Veto është më shemër të bllokuar, pretendimi i ngritur. Nuk duhet të mbahemi tek çështja e vetos, palët kanë ekspertet e përfshirë për të ndihmuar gjetjen e zgjidhjeve me rekomandimet e OSBE-ODIHR.
Vullneti i mazhorancës është që të dëgjoje të gjitha palët. Flukse e opozitës të vijnë me propozime konkrete. I bëj thirrje, mos pengoni zhvillimin e komisionit. Është në interesin tuaj, reforma i duhet edhe opozitës.
PS mund të jetë edhe e qetë me këtë kod Zgjedhor, pasi jemi parti në Pushtet dhe kemi një kod të aprovuar nga ODIHR. Mund të ketë nevojë të ndreqë disa probleme. Por mbi të gjitha opozita duhet të jetë e para e interesuar, se kuptoj si pengon diçka që është në interes të saj”, tha ai.
Anëtarët e Komisionit të Reformës Zgjedhore kanë miratuar online kalendarin e punimeve.
Mbledhja u zhvendos online për shkak se deputetët e Bardhit dhe Berishës bllokuan msallën ku ishte parashikuar të zhvillohej mbledhja.
Bashkëkryetari i komisionit për Reformën Zgjedhore, Damian Gjiknuri tha se mbledhja po zhvillohet online në kushtet kur deputetët e opozitës po kryejnë sjellje vandale. Ai tha se në kushte kur deputetët e Rithemelimit dhe Bardhit bëjnë sjellje të tilla, komisioni është i detyruar të kalojë mbledhjet online.
“Do ishte e pavend t’i vihet faji administratës së Kuvendit ku deputetët hyjnë në sallat ku u takon të jenë dhe vendosin të bëjnë sjellje vandale. Ndryshimet në Rregulloren e Kuvendit kanë parashikuar masa për këta deputetë por nuk parashikohen masa të tjerë kur bëhet çdo veprim për të penguar mbledhjen. Varianti online nuk është i preferuari ynë por në kushte kur jemi të detyruar po e zhvillojmë kështu”- tha Gjiknuri.
Bashkëkryetari i PD në Reformën Zgjedhore, Enkelejd Alibeaj në mbledhjen online i bëri thirrje Kryetares së Kuvendit që të mundësojë zhvillimin e komisionit fizikisht. Alibeaj sqaroi se përse po merr pjesë online, duke theksuar se prevalon interesi për të çuar përpara reformën zgjedhore.
“Thirrja ime i adresohet Nikollës, që të garantojë zhvillimin normal, efektiv të veprimtarisë së komisionit dhe jo vetëm. Nga ana ime do jetë kërkesë sistematike dhe insistuese që Nikolla të garantojë zhvillimin efektiv, fizik të veprimtarisë së komisionit. Jemi në këto kushte, dua të them diçka lidhur me pjesëmarrjen tonë. I qëndrojmë gjithmonë qëndrimit sipas rregullores që mbledhjet e komisioneve, do duhet të zhvillohen fizikisht. Ai është parlamenti jo i një grupi, disa deputetëve, jo i PS, por e të gjithë deputetëve që kanë të drejtë të shprehin mendimit, mbi të gjitha është parlamenti i shqiptarëve. Midis kësaj konsiderate dhe tjetrës që unë bie dakord, se ka një interes për ecjen para të Komisionit, prevalon ky i dyti. Prandaj bashkë me kolegët përfaqësues të PD marrim pjesë edhe në zhvillimin e kësaj mbledhje të radhës, të komisionit. Prandaj sot jemi prezent, unë Çollaku, Tase dhe Jakupllari", tha Alibeaj.
Ai shtoi se përfaqësojnë vetëm idetë dhe sugjerimet e PD, të asnjë grupi tjetër.
“Të adresojmë rekomandimet e ODHIR, të përsëritura disa episode elektorale. Veç kësaj edhe tre vendimet e GJK, që e bëjnë të detyrueshme ndërhyrjen për të mbushur vakumin ligjor. Në këto kushte, për aq sa përgjegjësi kemi si përfaqësues të PD, mbaj përgjegjësi dhe përfaqësi që ne përfaqësojmë një pjesë të opozitës, pa marrë përsipër të përfaqësoj se ca janë idetë, interesat, pikëpamjet e partive të tjera, rrymave dhe flukseve të tjera. Kjo mënyrë ndoshta është jo optimale, por mjaftueshmërisht e kënaqshme, sipas Kuvendit çdo parti ka të drejtë të propozojë draftamendamente për Kodin Zgjedhor. Ne kemi detyrimin që për publikun të bëjmë me dije se cilat janë pikëpamjet tona se si duhet të jetë Kodi Zgjedhor”, tha Alibeaj.
Ka nisur online mbledhja e Komisionit të Reformës Zgjedhore, pasi salla u bllokua sërish nga deputetët e Berishës dhe Bardhit.
Online po merr pjesë edhe bashkëkryetari i PD, Enkelejd Alibeaj.
Komisioni i Reformës Zgjedhore do të mblidhet online në orën 12:00. Pasi deputetët e Berishës dhe Bardhit bllokuan sallën, Komisioni është zhvendosur online.
Deputeti Ervin Salianji ka dhënë një deklaratë për mediat pasi së bashku me deputetët e Rithemelimit dhe të grupit të Bardhit bllokoi për të dytën herë mbledhjen e Komisionit të Reformës Zgjedhore.
Ai e quajti mbledhjen një teatër ndërsa tha se bashkëkryetari Enkelejd Alibeaj dhe anëtari Kreshnik Çollaku bojkotuan edhe sot mbledhjen e komisionit duke mos u paraqitur.
“E patë edhe sot një teatër tjetër i pështirë i përfaqësuesve të mazhorancës, pavarësisht se 7 deputetët që kanë marrë me dhunë përfaqësimin në komisionin e Reformës Zgjedhore sot bojkotuan mbledhjen siç kanë bërë për 2 vite me radhë. Kjo është tallja dhe pengmarrja që u kanë bërë përfaqësuesve që kanë dalë me vota të PD-së”- u shpreh Salianji.
Ka dështuar sërish mbledhja e dytë e Komisionit të Reformës Zgjedhore.
Rithemelimi nuk lejoi zhvillimin e mbledhjes dhe anëtarët socialistë u larguan nga salla pas debateve.
“Për çfarë paguhemi, për çfarë vijmë ne këtu”, dëgjohet të thotë Ervin Salianji duke iu drejtuar Damian Gjiknurit.
Deputetët socialistë janë futur në sallën ku ishte parashikuar të mbahej mbledhja e Komisionit të Reformës Zgjedhore. Deputetët e Bardhit dhe Berishës kanë bllokuar sallën dhe kanë zënë karriget dhe kjo ka nxitur debat me mazhorancën.
Grupi i Bashës nuk është paraqitur.
Lajme të tjera
-
Mero Baze: Listat e mbyllura, 'qokë' që Berisha të fitojë opozitën
5 Dhjetor, 07:14
-
Alibeaj në Report Tv: S’ka bashkëpunim me Berishën, PD një organizëm privat për të luftuar SPAK! Qeveria teknike? Lojë, i shiti Ramës zgjedhjet
29 Nëntor, 18:47 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Spahiu: PD djeg karriget sikur është shoqatë, sepse populli s’e mbështet për revolucion
30 Shtator, 21:16 -
PD dogji karriget e Kuvendit, Rama: Revoltë kundër vendimit të një gjykate! Ne ndërtojmë, ata shkatërrojnë, plagosin, djegin
30 Shtator, 19:59 -
Qytetari shqiptar ka një detyrë shumë të rëndësishme në zgjedhjen që po vijnë!
30 Shtator, 19:53
-
Kaosi në Kuvend, reagon Spiropali: Skenë krimi, të hetohet! Zjarrin mbi parlament e vënë vetëm shkatërruesit e demokracisë
30 Shtator, 17:58 -
VIDEO/ Momenti kur Gazment Bardhi hedh drejt Spiropalit këmbën e karriges: Bjerini, bjerini
30 Shtator, 17:45 -
Dënimi i Salianjit, PD kaos në Kuvend! Noka hedh benzinën, Nallbati u vë zjarrin karrigeve në oborr, sende të forta drejt Spiropalit: Duam qeveri teknike! Përjashtohet Noka
30 Shtator, 17:01 -
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12
