TIRANË- Mbledhja e TIMS po zhvillohet sërish me dyer të mbuluara, ndërsa po raporton drejtoresha e SHISH, Vlora Hyseni. Vetëm me votat e socialistëve u miratua kërkesa e Hysenit për mbledhje të mbyllur me argumentin se informacionet përbëjnë sekret. Nga ana tjetër, opozita kërkoi mbledhje me dyer të hapura.
Në nisje të mbledhjes palët u përfshinë nga një debat për shkak të mungesës së Hysenit në mbledhjen e kaluar të 26 qershorit, pasi ndodhej në Bruksel për takime në selinë qendrore të NATO-s. Vetë Hyseni u kujdes të sqarojë arsyet e mungesës, duke hedhur poshtë këtu deklaratat e kryetarit Ervin Salianji se ndodhej në Beograd.
"E kishim të pamundur paraqitjen në datë 26 për shkak të një angazhimi të detyrueshëm të konfirmuar muaj më parë, lidhej me dy arsye madhore, takimi me asistentin e sekretarit të përgjithshëm të NATO-s për inteligjencën për të diskutuar për çështje të sigurisë rajonale dhe për të diskutuar për angazhimin e SHISH në kuadër të inteligjencës së NATO-s.
Një angazhim tjetër ishte paraqitja e drejtorit të SHISH në samitin e NATO-s në Uashington që pritet të mbahet me 10 korrik. Në asnjë rast SHISH apo drejtori nuk i është shmangur raportimit para komisionit. Kërkoj që seanca të zhvillohet me dyer të mbyllura, duke pasur parasysh se flitet për problematika që lidhen me sigurinë kombëtare. Të mbrohen të dhënat e klasifikuara", tha Hyseni.
"Ju jeni sot këtu dhe s’kemi ç’të themi më shumë, përveçse se nga çfarë kemi parë nga dokumentacioni i deritanishëm që disponojmë në raport me çështjen, nuk shoh asnjë element që të përbëje sekret shtetëror. Duke pasur parasysh që kemi të bëjmë vetëm me aspekte procedurale dhe aspekte që janë zbuluar në publik, propozoj që mbledhja të bëhet e hapur, në çdo rast që ka informacion të klasifikuar drejtoresha mund të kërkojë mbledhje me dyer të mbyllura", tha Salianji.
Nga ana tjetër, deputeti socialit Xhemal Qefalia kërkoi nga Salianji një ndjesë publike për akuzën që i bëri Hysenit, por ligjvënësi demokrat u përgjigj duke e ‘këshilluar’ që të mos bëjë mbrojtjen e SHISH.
"Duhet ta fillosh mbledhjen me një ndjesë publike për kauzat që bëtë ndaj drejtueses së Shërbimit duke e ngatërruar qëllimisht vendin e saj të takimit, nga Brukseli në Beograd", tha Qefalia.
"Nuk i shkon formatit tënd që të bëhesh mbrojtës apo të bësh si punonjës i SHISH se nuk je tipikisht si punonjës i shërbimeve inteligjente", tha Salianji.
Ndërkohë, sot do të dëshmojnë edhe Florian Sulejmani, Drejtor i Agjencisë së Mbikëqyrjes Policore dhe Ardi Veliu, ish- Drejtor i Agjencisë së Mbikëqyrjes Policore.
Lajm ne perditesim....
Kryetari i Komisionit të TIMS, Ervin Salianji kërkoi që mbledhja ku do dëshmonte drejtuesja e SHISH të zhvillohej me dyer të hapura. Deputeti demokrat akuzoi mazhorancën duke i quajtur se po sillen si lakuriq nate, ndërsa tha se duke mbyllur mbledhjet mendojnë se do ia hedhin.
Ndërkohë, sa u takon dëshmitarëve, Salianji u shpreh se vijnë në komision dhe ia hedhin topin njëri-tjetrit.
Salianji: Jeni të axhituar sot.
Toni Gogu: Për të mos provokuar, ju lutem vijoni me hedhjen në votim të kërkesës.
Salianji: Faleminderit që na qartëson dhe qetëson zoti nën kryetar. Kishte kërkesa për të diskutuar me kërkesën e SHISH. I shërben publikut dhe këtij institucioni që të jetë me dyer të hapura. Lakuriqi i natës nga drita verbohet dhe del vetëm në errësirë. Si lakuriq nate të heqim mediat, dritën të mbyllemi këtu dhe ju mendoni se do ja hedhim dot. Dëshmitarët vijnë dhe ja kalojnë topin njëri tjetrit. Kërkesa ime është që mbledhja të bëhet me dyer të hapura.
Me debate u zhvillua nisja e mbledhjes së Komisionit për rrjedhjen e të dhënave të TIMS, ku dëshmon drejtuesja e SHISH, Vlora Hyseni. Deputeti socialist, Xhemal Qefalia i kërkoi Ervin Salianjit që t’i kërkojë falje Hysenit pasi e akuzoi qëllimisht sikur ishte në Beograd pasi mungoi në mbledhjen e kaluar, kur në fakt ajo ndodhej në Bruksel.
Nga ana tjetër, kryetari i Komisionit Salianji i tha që të mos bëjë mbrojtësin e SHISH pasi nuk i shkon.
Qefalia: Duhet ta fillosh mbledhjen me një ndjesë publike për kauzat që bëtë ndaj drejtueses së Shërbimit duke e ngatërruar qëllimisht vendin e saj të takimit, nga Brukseli në Beograd. Kërkoji ndjesë pasi është ndër institucionet kryesore që kanë të bëjnë me sigurinë kombëtare.
Salianji: Në mbledhjen e kaluar kam pasur një shkresë nga SHISH për aryse që ka qenë në një aktivitet jashtë. Sot dëgjuam që ka qenë në Bruksel. Unë e pashë që ka qenë në Bruksel një ditë para se ishte në twitter-in e atij që e kishte publikuar. S’dua ta kthej në këtë debat, se këtë pyetje për Beogradin apo elementë të tjerë që kanë të bëjnë me veprimtarinë e SHISH e kemi në Komision Sigurie, këtu kemi tjetër objekt. Po të doni e bëjmë se gati jam të bëj dhe atë debat në lidhje me Beogradin. Nuk i shkon formatit tënd që të bëhesh mbrojtës apo të bësh si punonjës i SHISH se nuk je tipikisht si punonjës i shërbimeve inteligjente. Si sekretar, jo Byroje, mund të jemi në rregull. Nuk të shkon të bësh mbrojtësi i SHISH, sot i kemi thirr si dëshmitar jo për të raportuar për veprimtarinë.
Lajme të tjera
-
Salianji zbardh dëshminë e Ervin Muçës në Komisionin TIMS: Sistemi mund të jetë përdorur nga persona të krimit të organizuar
26 Qershor, 13:03
-
Mblidhet 'TIMS'/ Drejtoresha e SHISH nuk paraqitet, Salianji: Nuk është datë dasme, e papranueshme të thuhet 'nuk vij se kam punë'
26 Qershor, 11:40 -
Tiranë/ I kërkoi një qytetari 50 mijë lekë për ta lehtësuar nga kallëzimi, arrestohet oficeri i krimeve të Komisariatit nr.4 (EMRI+FOTO)
23 Qershor, 20:42 -
Pezullohet polici në Komisariatin 4 në Tiranë, akuzohet për shpërdorim detyre
20 Qershor, 15:23 -
Përndoqi dhe përplasi me makinë të dashurën kolege, arrestohet polici i Himarës (EMRI)
13 Qershor, 20:50 -
'Tims'/ Ish përgjegjësi i IT-së dhe drejtori i Sistemeve në Policinë e Shtetit dëshmojnë me dyer të mbyllura! Salianji: E keni ves t'i bëni punët në errësirë! PS: Tallavanë e qytetarit digjital e doni në TV
11 Qershor, 12:24 -
Shtyhet për nesër mbledhja e komisionit hetimor TIMS! Emrat e dëshmitarëve
10 Qershor, 10:59 -
TIMS/ Dokumenti që zbuloi skandalin me ish punonjësin e IT Veizaj, nuk dorëzoi kodet, futi 5 emra ‘të privilegjuar’ në sistem! 4 thjesht punonjës, po Tedi Malaveci? E dekonspiroi Muça
9 Qershor, 14:46 -
Hetimori për TIMS, Salianji për Report Tv: Detaje përvëluese, sistemi në duart e kriminelëve! Në kufi të dhëna që s’dalin, shiten e blihen
7 Qershor, 18:30
-
‘TIMS’/ Balla, Rrumbullaku e Ervin Muça 12 orë dëshmi me dyer të mbyllura! Salianji: Zbuluam të dhëna befasuese, i publikojmë shumë shpejt
5 Qershor, 08:53 -
Komisioni ‘Tims’ mbyll dyert/ Dëshmon për 3 orë Balla! Rrumbullaku: ‘Rrëfej’ sekrete hetimore! Salianji: Doni ta bëni mbledhjen në terr
4 Qershor, 15:26 -
Kalonin qytetarë drejt BE kundrejt ryshfetit, 1 polic në kërkim, 3 arrest shtëpie, 4 detyrim paraqitje! Masë sigurie edhe për Eneo Sulejmanajn, korruptoi efektivët e Rinasit
3 Qershor, 23:05
