POP 5

Lajmet më të lexuara të 5 minutave të fundit

Sociale

'Mbreti i tryezës', gjeli i detit shkon 10 mijë lekë! Qytetarët: Çmimet në majë, shtrenjtë në krahasim me pagat tona

Një gjel deti i shëndetshëm këtë vit shkon deri në 10 mijë lekë, kurse me përmasa më të vogla do të kushtojë 5 mijë lekë, për shkak se çmimi i një kilogramë peshë e gjallë është rritur deri në 1 mijë lekë.

Gjeli i detit vijon të mbetet mbreti i tryezës së fundvitit. Ky shpend aq i preferuar për darkën e ndërrimit të vitit, ka nisur të tregtohet dhe shumë të tjerë e kanë porositur.

"Kemi nis me pakicë, tani ka filluar me nga dy-tre gjela. I kam me porosi, nga këto gjelat këtu shumë pak kam për të shitur sepse i kam të zëna. I duan të pastruar, në qese" - tha Bajram Balla, tregtar në Baldushk. 

Tregtarët në Baldushk pohojnë se këtë vit ka pasur rritje të çmimit për shitjen e gjelit të detit.

"Ne tani po i shesim me 9 mijë lek sepse janë rritur të gjitha cmimet dhe ne na mori në qaf misri me thenë të drejtën, vjet e kemi pas marr me 30 mijë kuintalin, sivjet ka shkuar me 50 mijë lek kuintalin. Ai që niset për ta marr gjelin e merr dhe me 10 mijë lekë" - tha Bajram Balla, tregtar në Baldushk.

Sa e shisnit kg e gjelit vjet?

"8 mijë lek. Ka gjela 10 kg, 8 kg, ka 9 kg edhe 7 kg ka. Tashi llogarite gjeli 8 kg shkon 72 mijë lekë" - tha Bajram Balla, tregtar në Baldushk.

Bajram Balla mbi 15 vite që kultivon gjelin e detit, tregon se ka më tepër kërkesa për pulat e detit.

"Nuk e marrin shumë gjelin, nuk e marrin për arsye se njerëzit janë të ndarë, janë familje të vogla tani nuk ka më që rrinim 20-30 veta me një vend. Me tepër kërkesa ka për pulën e detit" - tha Bajram Balla, tregtar në Baldushk.

Edhe në Fier çmimi i simbolit të tryezës së vitit të ri është rritur me 200-300 lekë të reja për kg.

-Me 9 e mora pulën unë. Është i shtrenjtë nuk është i shtrenjtë mua më duhej.
-Kaposhin e mora 50 mijë lek, është i shtrenjtë" - thanë disa prej qytetarëve.

Në tregun e Vlorës ka pak blerës për shkak të rritjes së çmimeve, jo vetëm për gjel por edhe për produktet e shportës.

-Shtrenjtë janë, me pagat që kemi ne shtrenjtë janë.
- Çmimet janë në majë të gjitha, ku t’ia dalim me një pension" - u shprehën qytetarët.

Dy javë nga mbrëmja e ndërrimit të viteve, qytetarët kanë nisur shpenzimet për dhurata dhe përgatitjet për darkën festive. Jo vetëm Tirana po edhe në qytetet e tjera ka atmosferë të ngrohtë, pemë që ndricojnë.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 18/12/2021 02:02

    Nuk keni faj qe ankoheni.Ne ate cmim per kg,matrapazet shqiptare fusin dhe puplat,kembet,koken,zorret dhe cdo gje tjeter qe s'hahet,dhe jo vetem kaq, por e majmin dhe dhjamosin me miser e te ngjashme, qe t'i shtojne artificialisht peshen.Gjelat qe jane vertet te mire dhe te shijshem,jane me te dobet,por kane shume pak dhjame,sepse ushqehen me cfare gjejne ne natyre.

    Përgjigju
  • Tata: 17/12/2021 19:10

    GJELI DETIT TE ZGJIDHET PRESIDENT.vlen me shume se kushdo tjeter

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Qeveria rishpall tenderin 400 mln euro të Portit të ri Tregtar të Durrësit në Porto Romano

Qeveria rishpall tenderin 400 mln euro të Portit të ri Tregtar të Durrësit në Porto Romano

24 Dhjetor, 19:43