Si rrallë herë, me një vendim të unifikuar, operatorët e mediave në shenjë proteste lanë kamerat dhe refuzuan të filmojmë e tu drejtojnë mikrofonat deputetëve të Rithemelimit, të cilët u paraqitën në Gjykatën e Tiranës, ngjitur me SPAKU-n, teksa jepej masa e sigurisë, për të mbështetur një militant të dhunshëm që rrezikoi jetën e tyre dhe të gazetarëve në protestën e 28 majit para bashkisë së Tiranës.
Klevis Balliu, djali i botuesit të gazetës 55, Fahri Balliu, dhe deputetët Bledion Nallbati e Elda Hoti u shfaqën në gjykatë për të përkrahur Sokol Bushkolajn, 49-vjeçarin nga Thumana të arrestuar për episodin skandaloz të hedhjes së bombave molotov ndaj mediave që ndiqnin tubimin e nëntë të Rithemelimit dhe Partisë së Lirisë për dorëheqjen e kryebashkiakuat Erion Veliaj.
Operatorët e mediave bojkotuan të filmojnë planet e përfaqësuesve të fraksionit të Rithemelimit prezent në Gjykatë për personin që hodhi molotov të martën nën këmbët tyre në krye të detyrës
Asosacioni i Gazetarëve të Shqipërisë e përshëndeti këtë akt proteste dhe inkurajoi çdo punonjës të mediave të solidarizohet dhe të bëhen bashkë kur ata cënohen fizikisht dhe verbalisht.
Rithemelimi në bllok në disa reagime të mëparshme, jo vetëm që nuk mbrojti mediat, por doli në krah të protestuesit të dhunshëm, e madje sulmuan edhe shoqatat e gazetarëve që reaguan ashpër.
Në seancën që mbajti me dyer të mbyllura, gjyqtarja Marinela Osmani, refuzoi praninë e përfaqësuesve të Rithemelimit dhe caktoi masën e sigurisë “arrest shtëpie” ndaj Sokol Bushkolajt, edhe pse Prokurori Arben Agovi, kërkoi të qëndrojë në qeli. Avokati pretendoi se Bushkolaj ditën e protestës ka qenë në Tiranë, por jo në tubim, dhe tha se nuk është ai personi i maskuar me molotov.
Policia e Shtetit i referoi në prokurori materialet procedurale edhe me veprën e “vrasjes me dashje”, të mbetur në tentativë, bazuar në faktin që me vetëdije dhe qëllim protestuesi lëshonte molotovët në drejtim të vendit ku ishin pozicionuar gazetarët dhe operatorët në protestë. Por Prokuroria e hoqi këtë vepër, dhe kërkoi arrest në burg vetëm për “shkatërrim të pronës me zjarr”, “goditje për shkak të detyrës” dhe “shkelje të rregullave mbi lëndët plasëse”.
49-vjeçari Bushkolaj, i hetuar edhe më herët për dhunë në protestë dhe me masë “detyrim paraqitje” u filmua teksa hidhte si të ishin lule, të paktën 2 bomba molotov në drejtim të gazetarëve dhe operatorëve të cilët po transmetonin pamjet nga protesta.
Për ngjarjen e rrezikshme që ngjalli panik edhe në mesin e vetë protestuesve, nuk pati asnjë reagim për ndalje të dhunës nga politikanët që mbanin fjalë në protestë. Të vetmen thirrje e bëri policia e Shtetit me megafon
Komente
Lajme të tjera
-
112-vjetori i Pavarësisë, Tirana vishet e kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
Akti normativ/ 501 mln lekë u kthehen profesionistëve të lirë! Ministri Malaj: Brenda datës 31 dhjetor 2024 përfundon procesi i rimbursimit
27 Nëntor, 11:04
-
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Protesta e PD-së, Kreshnik Çollaku për Report Tv: Ia arritëm qëllimit! Ja 3 rrugët për 'Qeverinë Teknike'
26 Nëntor, 19:42 -
DINAMIKA/ Çfarë dimë deri më tani për vrasjen e Martin Canit? Ende mungon ekspertiza e vdekjes! Shoku i autorit dërgohet në vendin e ngjarjes, tregon si nisi sherri
26 Nëntor, 18:19 -
Ekskluzive/ Një grusht militantësh në protestë, Report Tv sjell pamjet me dron! Ja pjesëmarrja në rrugën e Elbasanit dhe Bashkia e Tiranës
26 Nëntor, 17:21
/Si rralle here.../-thoni ju! Po tregoheni shume te bute,une nuk mbaj mend qe mediat shqiptare te kene bere bojkot per raste te tilla,s.d.q,me mire vone se kurre.Politika shqiptare duhet t'a kuptoje rendesine e shtypit e mediave si fuqia e 5-te.Ne perendim,mediat jane ato qe krijojne ose shkaterrojne imazhin e nje politikani perpara votuesve.Vetem 4 shembuj te kundert se si jane trajtuar nga mediat politikane te ndryshem:Nixon,Trump,Clinton,Obama.
PërgjigjuKëtë duhet t'a kishit bërë disa vite më parë. Po tani që ju dogji po e bojkotoni kriminelin . Po do zoti do e zgjatni ca,mos t'i shikojmë për ca kohë atë organizatat kriminale.
PërgjigjuKy mushkonja (Bushkolaj) here tjetër duhet me vra ndonjë Gazetar apo Polic për tu arrestuar! Turp për këto gjykata apo prokuror që idhanë arrest shtëpie një krimineli.
Përgjigju