Sa i takon fushës së mbrojtjes, kryeministri Rama tha se kanë dhjetëfishuar investimet për këtë diakster, nga 28 milionë euro në 280 milionë euro. Rama tha se sot ushtria shqiptare është ushtria më e paguar në rajon dhe theksoi se deri në 2030 pagat e ushtarakëve të jenë sa mesatarja e ushtrive të NATO-s. Kreu i qeverisë tha se së shpejti flota detare do të pajiset me një anije luftarake të madhe dhe 3 anije të tjera luftarake. Po ashtu, kreu i qeverisë lajmëroi se do rilindin shkollën e aviacionit.
"E kemi dhjetëfishuar investimin në fushën e mbrojtjes. E di sa kishte mbrojtja në 2013? Është e pabesueshme , 28 milionë euro. 28 milionë euro ushtrinë më të keqpaguar në Evropë, përveçse një ushtri e kapur keq, edhe nga korrupsioni, nga shitja e vendeve për të ikur deri edhe në Afganistan. Sot është 280 milionë euro. Pesëfish rekrutime në forcat e armatosura, sot është ushtria më e mirëpaguar e rajonit, me një pagë mesatare, jam shumë krenar për këtë, më të lartë se gjithë vendet e tjera të Ballkanit Perëndimor. Edhe Serbinë kemi sapo kaluar me pagat në ushtri dhe synojmë që brenda mandatit të katërt në Shqipërinë 2030, paga mesatare e ushtrisë shqiptare e forcave tona të armatosura të jetë në mesataren e ushtrive të NATO-s. Pa folur pastaj ç'kemi bërë në gjithë ato ferra, në gjithë ato rrënoja, në gjithë ato maskarada që gjetëm në të ashtuquajturin territor të Planit të Përhapjes. Një ferrnajë që sot është bazë ajrore taktike e NATO-s. Një forcë luftimi e lënë rrugëve, sot me fuqi zjarri, me flotë helikopterësh, së shpejti, edhe me një anije luftarake të madhe, përveç anijeve luftarake më të vogla që kemi, me dron luftarak. Të gjitha këto janë vetëm baza, janë vetëm fillimi, janë vetëm fillimi i një transformimi që ka ardhur edhe si shtysë e kohës që jetojmë. Industria ushtarake ka filluar të hedhë themelet për të prodhuar këtu municione, armatime, dron luftarakë, mjetet e blinduara Made in Albania së shpejti, të gjitha këto do të mund të tregohen qytetarëve të Republikës Shqipërisë. \
Shkollën e aviacionit do ta rilindim. Kemi bërë një marrëveshje mirëkuptimi me një partner shumë të rëndësishëm të fuqishëm ndërkombëtar dhe brenda vitit 2028, do të kemi edhe kampusin modern të Akademisë së Forcave të Armatosura në Tiranë, ku ka filluar ndërtimi, një pjesë edhe e kemi treguar për publikun.
Flota detare e Republikës së Shqipërisë, siç thashë do të ketë një super anije së shpejti dhe do të bëhet me tre anije luftarake të reja. Flota jonë ajrore do të ketë në dispozicion këtë verë duke filluar nga kjo verë, janë bërë marrëveshjet dy avionë zjarrfikës në dispozicion në gatishmëri për ne, papritur që të vijë nga një vend apo nga një vend tjetër.
Punët e brendshme kur morën detyrën, aksidentet fatale në rrugë ishin sa dyfishi i mesatares europiane. Sot jemi më mirë sesa Serbia, se sa Mali i Zi dhe se disa vende të rajonit që janë anëtarë të BE-së si Rumania dhe Bullgaria. Kemi ende punë për të bërë për mesataren e Bashkimit Europian, por jemi shumë më mirë. Fakti është 13 vdekje për 100 mijë banorë kur ne morëm detyrën, sot kemi zbritur në 7 për 100 mijë. Ndonëse numri i automjeteve në qarkullim është më shumë sesa dyfishuar. Dhe rrezikshmëria e vdekjes në aksident është ulur me 75%, çka tregon që kemi një përparim të ndjeshëm në këtë drejtim.
Me qendrën e madhe, ku do të jetë edhe cirkuit i Formula 1, po ku në fakt elementi përmbajtësor qendrës do të jetë siguria rrugore, do ta ngrejmë edhe sigurinë rrugore në mesataren e Bashkimit Europian, pa diskutim.
Lajmi kryesor:
Rama shpalos programin: Nga janari 2026, paga minimale 500 euro, pensioni minimal 200 euro! ‘Kryepremtimi’ i PS: 'Paqe fiskale' me biznesin për 3 vite (VIDEO)
Lajme të tjera
-
Habit Berisha: Themelet e shtëpisë së Ramës janë 57 metra, kjo është në kundërshti me ligjet
1 Prill, 21:33 -
'Hangart', hapet shtëpia e re e artistëve, Rama: Na duhen menaxherë të zotë në art, do investojmë! Skena e rraskapitur e Teatrit Kombëtar i hapi rrugë të riut (VIDEO)
1 Prill, 20:51 -
Berisha e akuzoi për falsifikim dokumentesh, Bido: E kam nxjerr blof me fakte! Fitorja e PS do sjellë anëtarësim në BE, Greqia s’mund ta bllokojë procesin e integrimit
1 Prill, 20:20 -
Zgjedhjet/ Berisha akuzon Ramën për programin: E vodhi nga PD! Porosi kandidatëve: Kushti kryesor votat e partisë, pastaj për veten! Shkarkoni VPN për TikTok-un
1 Prill, 19:34 -
Analisti Demalia në ‘Frontline’: Rama ngriti imazhin e Shqipërisë në botë! SPAK, s’ka vullnet për të hetuar krimet e Berishës, kemi të bëjmë me vrasje, duhet të hetojë me prioritete
1 Prill, 19:24 -
Zgjedhjet e 11 majit/ Toni Gogu në Report Tv: Synojmë fitoren, mandatin e 20 në Tiranë! PS e angazhuar për anëtarësimin në BE, mbështesim drejtësinë
1 Prill, 19:01 -
Ylli Pata: Problemi real i PD-së? Nuk e ka mbiemrin Berisha!
1 Prill, 18:42
-
Perla e ditës, Berisha firmos 'kontrata' legalizimi me banorët sikur të ishte kryeministër
1 Prill, 18:36 -
Meçe: LaCivita dhe aleanca e Berishës me Greqinë, të lidhura bashkë, produkti i ‘magjistarit’ ishte pjata me fasule e çunit të Fahri Balliut! Primaret një turp! Dhuli: Mbështes listat e PD
1 Prill, 18:07 -
Zgjedhjet/ Fushata online e kandidatëve dhe partive, KQZ ngre zyrë 'hetimi' që do referojë rastet në SPAK
1 Prill, 18:01
-
Sali Berisha bëhet lëmsh, nga 8% e çon në 10% taksimin e dividentit! Ja reagimi epik i biznesmenit (VIDEO)
1 Prill, 17:09 -
Zgjedhjet/ Rama mesazh kandidatëve të PS: Mos bëni fushatë jashtë zonës suaj, deputetët në listë të mbyllur të mos orientojnë votën
1 Prill, 16:59
