VIDEO/ Mbushën me kanabis fshatin Lam i Madh në Dibër, në pranga 14 persona nga dy fise! Grupi drejtohej nga kryeplaku i fshatit dhe dy djemtë e tij

Duhej të ishte personi që kontrollonte territorin për të mos lejuar veprimtari të jashtëligjshme, por Gëzim Koleci, kryeplak i fshatit Lam i Madh në Dibër organizoi dy djemtë e tij, të afërm të tjerë dhe persona të një fisi tjetër për kultivimin e kanabisit.

Pas dy vitesh hetime, Policia e Dibrës, në bashkëpunim me atë të Tiranës shkatërruan këtë grup të mirëorganizuar, ku u vunë në pranga 14 persona, ndërsa u shpall në kërkim një tjetër.

Janë arrestuar Gëzim Koleci, 55 vjeç, banues në fshatin Lam i Madh, Mehmet Koleci, 45 vjeç, lindur në fshatin Lam i Madh, banues në Paskuqan, Tiranë, Idajet Koleci, 43 vjeç,  lindur në fshatin Lam i Madh, banues në Paskuqan, Albert Koleci, 40 vjeç,  banues në fshatin Lam i Madh, Vilson Koleci, 30 vjeç, lindur në fshatin Lam i Madh, banues në Paskuqan, Gestian Koleci, 26 vjeç, banues në fshatin Lam i Madh, Lezan Koleci, 62 vjeç, lindur në fshatin Lami i Madh, banues në Laprakë, Tiranë, Agim Koleci, 29 vjeç,  lindur në fshatin Lami i Madh, banues në Kamëz, Besmir Koleci, 36 vjeç, lindur në fshatin Derjan, banues në Kamëz, Afrim Haspepa, 48 vjeç, lindur në fshatin Lam i Madh, banues në Kamëz, Fatjon Doda, 36 vjeç, lindur në fshatin Macukull, banues në Njësia Bashkiake Nr.5, Tiranë, Lezan Koleci, 62 vjeç, lindur në fshatin Lami i Madh, banues në Kamëz, Rasim Xheçuka, 52 vjeç, lindur në fshatin Lam i Madh, banues në Kamëz dhe Gazmir Xheçuka, 39 vjeç, lindur në fshatin Lam i Madh, banues në Kamëz, Tiranë.

Është shpallur në kërkim Baftjar Xheçuka, 54 vjeç, lindur në fshatin Lam i Madh, banues në Kamëz.

Sipas Policisë, rezulton se organizator i grupit ishte Gëzim Koleci i cili organizonte punën për kultivimin e kanabisit, përpunimin e saj dhe më pas gjetjen e tregut për shitje, të cilën e siguronte nëpërmjet djemve të tij shtetasve Vilson dhe Gestian Koleci, që merreshin më pas edhe me transportimin e kanabisit.  Gjykata e Krujës ka vendosur më parë për ta edhe masën e sigurisë 'arrest shtëpie', pasi në mars të vitit të kaluar u kapën me 6.8 kg marijuanë.

Personat e arrestuar akuzohen për kultivim të bimëve narkotike, prodhim dhe shitje, mbajtje i armeve, i armëve shpërthyese dhe municione. 

Ndërkohë policia njofton se vijon puna për dokumentimin e plotë ligjor të kësaj veprimtarie kriminale si dhe për identifikimin dhe arrestimin e personave të tjerë të implikuar.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Isufi: 28/01/2022 11:38

    Nje gje nuk kuptova te kjo video! Ky drejtues policie gjasme me shkolla te larta e trajnime,sdi as me lexu! Nuk di me lidh dy fjale, kaq paaftesi totale Eshte katandis institucioni me i rendesishem, Min brendshme!!! Spaska djem me te hajrit, apo vetem kap e fut nga çoban delesh Beje drejtor se ky me duhet mu.. Jane alamet profesionistesh, te zgjuar e te guximshem te trajnuar dhe i lene ne hije, si promovon Njeri se skane miq!!!

    Përgjigju
  • Sondazhi i ditës:

    A mendoni se Presidenti i ri do të jetë një prej emrave të propozuar nga opozita?



×

Lajmi i fundit

John

Ndihma për Ukrainën, Biden: Populli i Shteteve të Bashkuara qëndron së bashku me popullin trim të Ukrainës