POP 5

Lajmet më të lexuara të 5 minutave të fundit

Kronikë

Mbyllen degët e mësuesisë në Vlorë, rektori: Nota mesatare për pranimet e reja, na penalizon

Disa degë të mësuesisë janë mbyllur në Universitetin e Vlorës. Kjo për shkak të notës mesatare. Rektori tha se i kanë bërë kërkesë ministrisë që të hiqet ky kriter. Sa i përket mësimit online, studentët shprehen kundër.

Data 2 nëntor 2020 shënon vitin e pa precendent akademik. Një vit pa studente në auditore, së paku gjatë këtij muaji.

Rektori i Universitetit të Vlorës, Roland Zisi ka sqaruar se leksionet do të zhvillohen online ndërsa seminaret dhe orët praktike në auditore.

Rektori Roland Zisi: "Mësimi do të jetë i alternuar në Universitetin Ismail Qemal. Leksionet kryesisht online, ndërsa në auditore vetem klasat me më pak se 30 studentë".

Studentet i gjetëm në korridoret e fakulteteve, duke u interesuar për oraret e mësimit. Ata flasin me shqetësim pasi jo të gjithë kanë pajisjet e duhura për të zhvilluar mësimin online.

"Do të ishte më mirë në auditore, nuk kemi ende asnjë informacion si do bëhet mësimi online. Duhet të ishin marrë masa më parë, se ka nxënës që skanë mjete elektronike apo internet".

Universiteti i Vlorës përballet këtë vit akademik edhe me një problem tjetër mjaft shqetësues. Disa degë të mësuesisë janë mbyllur për shkak se nuk ka pasur regjistrime.

Roland Zisi, rektor: "Degët Kimi, Fizike, Matematike, Gjuha italiane janë mbyllur për shkak te mungesës se regjistrimeve". Po kështu ka rënë numri i studentëve tek Gjuha angleze, Gjuha shqipe, pra ne degët e mësuesisë.

Mbyllja e degëve në Universitetin e Vlorës, dhe jo vetëm ka ardhur si pasoje e notes mesatare të diferencuar. Konferenca e Rektoreve i ka kërkuar Ministrisë së Arsimit të heqë notën mesatare 7.5 për pranimet në ciklin Bachelor.

"Arsyeja kryesore është nota mesatare e diferencuar. Nota mesatare 7.5 nuk i lejon studentet të regjistrohen në vit të parë. Para disa ditësh u mblodh Konferenca e Rektorëve, ku merrnin pjesë drejtuesit e të gjitha universiteteve publike, në mënyrë unanime u vendos që ti kërkohet Ministrisë së Arsimit të rishikojë vendimin për pranimet në universitete. Në mënyrë që nota mesatare të mos jetë më kriter për studimet Bachelor por vetëm për në nivelin Master", theksoi Zisi.

Në vitin akademik 2020-2021 janë regjistruar 820 studente të rinj. Degët e preferuara në Universitetin e Vlorës mbeten Infermieria, Drejtësia dhe Ekonomiku.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • çentrale: 02/11/2020 21:04

    Po ça universiteti i thoni ju .Ata rrine tere diten bareve e su kerkon njeri llogari. E pastaj doni studente ju . E keni bere me keq se 8 vjeçare

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51