POP 5

Lajmet më të lexuara të 5 minutave të fundit

Kronikë

Mbyllen hetimet për kokainën e Maminasit/ Në akuzë 3 persona, Çekajt do t'i niset akuza me postë në Gjermani

Prokuroria për Krime të Rënda mbyll hetimet për 613 kg kokainë sekuestruar një vit më parë në kontenierin me banane të “Arbër Garden”, në pronësi të Arbër Çekajt. Si pjesë e një grupi të strukturuar kriminal prokuroria i kërkon gjykatës dënimin e Armando Pezakut, Donaldo Lushajt dhe Arbër Çekajt për të cilin Gjermania ende nuk ka një vendim nëse do ta ekstradojë apo jo në Shqipëri.

Vetëm tre persona do të përballen me drejtësinë për trafikimin e 613 kg kokainë nga Amerika Latine të sekuestruara në Maminas shkurtin e vitit 2018.

ReportTv ka mësuar se janë drejt fundit hetimet për këtë dosje dhe pritet që brenda kësaj jave t'i komunikojnë akuzat tre të dyshuarve si pjesë e këtij trafiku.

Ata janë Armando Pezaku shoferi i trajlerit me të cilin u bë transporti i kontenierëve nga porti i Durrësit deri në kapanonin e kompanisë “Arbër Garden”, menaxheri i kompanisë së bananeve Donaldo Lushaj, si dhe pronari i kësaj firme Arbër Çekaj.

“Grup i strukturuar kriminal, trafik ndërkombëtar narkotikësh dhe vepra penale të kryer në kuadër të grupit kriminal” janë ndër akuzat që prokuroria ka ngritur ndaj tre të dyshuarve të cilët hetohen prej 14 muaj.

Me anë të letër-porosisë nëpërmjet ambasadës pritet që Çekajt akuza t'i komunikohet në Gjermani atje ku ai mbahet që pas ndalimit nga autoritetet gjermane.

Për Çekajn është kërkuar ekstradimi në Shqipëri por pas më shumë se një viti ende drejtësia gjermane nuk ka dhënë dakordësinë.

Kompania e Arbër Çekajt, “Arbër Garden” qëndron nën sekuestro preventive që pas zbulimit të rrjetit të trafikut ndërsa pritet që pasuritë e tij t'i nënshtrohen edhe verifikimi sipas ligjit Anti-mafia, - bënë me dije burime pranë grupit hetimor.

Gjatë fazës së hetimeve dy të arrestuarit në rolin e shoferit dhe menaxherit të kompanisë kanë kërkuar lirinë në Gjykatën e Krimeve të Rënda, por masa ndaj tyre ka mbetur ajo e arrestit me burg edhe në Shkallë të Parë edhe në Apel.

Pak muaj pas operacionit “Last Snow” që zbuloi sasinë rekord të kokainës nga Amerika Latine drejt Shqipërisë, forca e ligjit vuri në sekuestro dhe disa asete të Çekaj “Forca e Ligjit” sekuestron disa llogari bankare në emër të kompanisë “Arbri Garden” shpk, të cilës iu sekuestruan 613 kg kokaine në 28 shkurt të këtij viti në Portin e Durrësit, si dhe subjektit “Ecoalmax” shpk, të dyja në pronësi të Arbër Çekajt.

Sipas Task-Forcës që heton grupet kriminale, e ngritur nga Ministria e Brendshme, vlera totale e llogarive të sekuestruar është rreth 38 mijë dollarë dhe mbi 10 milion lekë”.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Raporti: Kina dhe Izraeli kryesojnë vendet që burgosin gazetarët

Raporti: Kina dhe Izraeli kryesojnë vendet që burgosin gazetarët

22 Janar, 20:10