Mbyllet aplikimi,7 kandidatët për
Kryeprokuror të përkohshëm 

Shtatë prokurorë zyrtarisht kandidojnë për postin e kryeprokurorit të përkohshëm të Republikës së Shqipërisë, pas përfundimit të mandatit të Adriatik Llallës. Ora 18:00  e pasdites së sotme ishte afati i fundit i dorëzimit të kandidaturave. Nga Kryesia e Kuvendit, ku janë dorëzuar kandidaturat mësohet se janë vetëm 7 emrat që do të garojnë.

Arta Marku, Ferdinand Elezi, Besnik Muci, Granit Shahu, Arqile Koçi, Ermira Tafani dhe Artur Selmani janë shtatë kandidatët në garën për postin e Kryeprokurorit të përkohshëm të Republikës.

Nesër në orën 15:00 Komisioni i Ligjeve do të zhvillojë seancën dëgjimore me kandidatët për Kryeprokuror. Kandidatët do u përgjigjen pyetjeve të deputetëve. Ndërkohë po sot, kryeministri Edi Rama ftoi sërish shefin e opozitës, Lulzim Basha, që të pranojë dialogun dhe të vendosë drejtësinë mbi frikën, për të zgjedhur bashkërisht titullarin e organit të akuzës.

Ndërsa një mesazh i fortë ishte ai i ambasadorit amerikan në Tiranë, Donald Lu i cili u shpreh se duhet një Prokuror i cili nuk mbron të korruptuarit, ndërsa apeloi për marrëveshje mes palëve politike.

Kandidatët

Arta Marku - Prokurore në Shkodër

Ferdinand Elezi - Prokuror në Durrës

Arqile Koçi - Prokuror në Prokurorinë e Përgjithshme

Besnik Muçi - Prokuror i Krimeve të Rënda

Granit Shahu -  Prokuroria e Tiranës

Ermira Tafani-Prokurore në Elbasan

Artur Selmani-Prokuroria e përgjithshme

dy.b/shqiptarja.com