POP 5

Lajmet më të lexuara të 5 minutave të fundit

Sociale

Mbyllet ‘Millenium’, Bashkia Shkodër merr godinën e kinemasë! Kontrata e qirasë kishte përfunduar që në vitin 2020

Bashkia e Shkodrës ka ndërprerë kontratën me Kinema “Millenium”, duke rimarrë kështu pas 23 vitesh godinën e kinemasë që ndodhet në qendër të qytetit.

Një ndër godinat më të bukura në qendër të Shkodër, dikur “Kinema Republika”, me vonë “Millenium” i rikthehet Bashkisë së Shkodrës.

Policia Bashkiake ka ndërhyrë për të marrë në administrim këtë pronë, që prej 23 vitesh e administronte shoqëria “Ida sha” me rrjetin e njohur të kinemave “Millenium”.  Kontrata e qirasë ndërmjet kësaj shoqërie dhe ministrisë së Kulturës lidhur në vitin 2000, kishte përfunduar në 2020.  Në 3 vitet e fundit, shoqërisë private nuk iu rinovua kontrata nga Bashkinë e Shkodrës, që është enti pronar i objektit.

Pas njoftimeve të vazhdueshme me shkresa dhe refuzimit të administratorit, të mërkurën ndërhyri Policia Bashkiake për të liruar ambientet e kinemasë. Mbërritja e policisë është pritur me kundërshti nga administratori, Geraldo Doçaj, i cili pretendon se nuk është njoftuar për të liruar ambientet.

Gjatë diskutimeve, drejtori i Policisë Bashkiake, i ka treguar administratorit certifikatën e pronësisë për godinën që nga sot do të jetë në administrimin e Bashkisë së Shkodrës.

Aktualisht bashkia po bën inventarizimin e të gjithë materialeve dhe ende dihet se kur do të vihet në funksion Kinemaja.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46