POP 5

Lajmet më të lexuara të 5 minutave të fundit

Sociale

Mbyllet Shtëpia e Fëmijës në Vlorë, kujdestaret kundër: Fëmijët s'janë gati për t'u kthyer në familjet biologjike

Në shtëpinë e fëmijës së Vlorës procesi është paraprirë qysh në shtator të vitit 2019-të, ku me anë të një VKM është vendosur për të mos pranuar raste të reja në institucion. Kujdestaret e shtëpisë së fëmijës kanë ngritur shqetësimin se fëmijët nuk janë gati për tu rikthyer në familje, pasi mund të bien sërish pre e dhunës.

Shtëpia e fëmijës në Vlorë do të mbyllet në dhjetor të këtij viti, ndërsa 13 fëmijë të moshës 0-5 vjec do të detyrohen të kthehen në familjet biologjike ose do të birësohen. Me mbylljen e këtij institucioni do të dalin pa punë dhe 30 kujdestare. Qeveria shqiptare po aplikon një projekt pilot, me qëllim fuqizimin e familjeve, sipas modelit holandez.

Në shtëpinë e fëmijës së Vlorës procesi është paraprirë qysh në shtator të vitit 2019-të, ku me anë të një VKM është vendosur për të mos pranuar raste të reja në institucion.

Kujdestaret e shtëpisë së fëmijës kanë ngritur shqetësimin se fëmijët nuk janë gati për tu rikthyer në familje, pasi mund të bien sërish pre e dhunës.

“Ne kemi trajtuar fëmijë që vinin nga trauma të rënda familjare dhe rikthimi i tyre në familje do të thotë të ripërtërjetojnë të njëjtat trauma. Nuk po mendohet për fëmijët. - thonë kujdestaret të cilët kanë përmendur raste edhe të fëmijëve që vijnë nga prindër përdhunues. 

Kujdestaret kanë përmendur raste të fëmijëve që vijnë nga prindër përdhunues. 

"Forcimi i familjes bilogjike kërkon kohë, por nuk duhet të harrojmë që këta prindër kanë jetën e tyre. Ndërkohë nga data 15 që jemi lajmëruar a mund të arrihet kjo gjë kur këta prindër fillojnë nga 25 deri në 60 vjeç. A mund të arrihet kjo në 3 muaj. Fëmijët janë të lidhur prej nesh. Fëmijët stepen dhe nuk kanë lidhje me prindin e vet, kanë një traumë nga ajo familje. Janë të gjitha kushtet, ushqimi, ngrohja, por në familjet biologjike a janë këto kushte? Jemi vënë në dijeni në datën 15 të këtij muaji."-tha një punonjëse.

“Jam shumë e shqetësuar në radhë të parë për prezantimin që na u bë më 20 prill 2020 që na u tha për projekt dhe me datën 15 na u prezantua reformë, shqetësimi më i madh është i fëmijëve, që fëmijët këtu vijnë e nuk pranohen më dhe fëmijët adoptohen shumë shpejt në krahasim me vitet e tjera. Largimi i shpejtë i këtyre fëmijëve na ka shqetësuar. Këta fëmijë të zgjidhen dhe të trajtohen shumë mirë, o të bëhet qendër ditore sepse nëpër familje nuk janë këto mundësi. Përshpejtësimin e birësimit e dinë ata që na e prezantuan këtë projekt që më pas na thanë reformë. Janë fëmijë me probleme sociale."-tha një tjetër kujdestare.

I gjithë procesi është mbajtur i fshehtë dhe aktualisht askush nuk ka dijeni si do të procedohet në Janarin e vitit 2022.  Opsionet e dhëna deri tani janë për krijimin e një qendre ditore e cila pritet të votohet në këshill bashkiak ose "kujdestari alternative".

 

Kronika e ngjarjes

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz dhe triumfon në finalet e Torinos, italiani numri 1 në botë

Tenis/ Sinner mposht Fritz dhe triumfon në finalet e Torinos, italiani numri 1 në botë

18 Nëntor, 10:08